“Interpol Tirana” të zbatojë ligjin dhe jo pazaret e Ardi Veliut e Altin Fehmi Abdiut/ Prej datës 23 dhjetor 2020, Helidon Gjikoka është shpallur në kërkim ndërkombëtar, arratisur qysh prej datës 13 tetor, pas njoftimit para seancës gjyqësore, nga gjyqtari Altin Fehmi Abdiu dhe gjyqtari i Apelit Gramoz Levanaj; ndërkohë që ende, prokuroria nuk ka nxjerr urdhër arreste për shefat e Kadastrës-Vlorë, që janë palë me Gjikokën në falsifikim-gabitjen e kësaj prone e të tjera, por as KLP, KLGJ e ILD, nuk kanë nisur hetimet për bandën e prokurorëve e gjyqtarëve Vlorë-Tiranë që e ndihmuan për “certifikimin” e kësaj grabitjeje
Tashmë njihet historia e krimit të bërë nga Helidon Jorgo Gjikoka, për grabitjen e resortit “Ambla Dhërmi” të cilin e kishte marrë me qira nga shtetasi Ilir Koka, por e bëri pronë të tij, në bashkëpunim me drejtues të ALUIZNI-t e Hipotekës-Vlorë, mbrojtur me hetime e vendime false, nga prokuroria dhe gjykata e këtij rrethi.
Kjo vjedhje pasurie, një nga më ekzemplaret në bregdetin e Himarës, duke qenë së në Vlorë nuk u prek as nga drejtësia, u çua në prokurorinë e Tiranës, ku nisi hetimi me themel, dhe pasi u provua krimi, më 19 tetor do bëhej prangosja e Gjikokës.
Por Helidon Gjikoka, shpëtoi e u arratis nga Shqipëria në Angli para prangosjes; pas njoftimeve paraprake nga gjyqtari pazaraxhi, pasanik e i paprekshëm, Altin Fehmi Abdiu, i cili e rrëzoi masën e arrestit; por dhe me njoftimin paraprak nga gjytari i Apelit-Tiranë, Gramoz Levanaj.
Pasi ky skandal shkoi në Ambasadën e SHBA dhe u kallëzua në SPAK kundër Altin Abdiut; të gjithë pazaret e grupit “Gjikoka-Abdiu-Levanaj” u bënë “zero” dhe më 23.12.2020, Gjykata e Faktit-Tiranë, dha masën “Arrest në burg pa afat”, lënë në fuqi dhe nga Apeli-Tiranë.
Qysh prej kësaj date, Helidon Jorgo Gjikoka është futur në listën e personave në kërkim ndërkombëtar, për veprën penale përvetësim dhe pronësim pasurie, me falsifikim dokumentesh të qiradhenësit, Bashkisë Himarë, të noterëve e Kadastrës Vlorë-Tiranë.
Referuar dosjes policore-hetimore, konstatohet se Helidon Gjikoka ka qenë aq “i fortë” e i lidhur në pazare të pista me shefat e (pa)drejtësisë në Vlorë e Tiranë; sa u konstatua se rrënjët e krimit të tij, me mos arrestimin për grabitjen e resortit “Ambla Dhërmi:” e 7 prona të tjera, janë shtrirë deri në kupolën e policisë së shtetit, madje edhe tek drejtuesit e Interpol-Tirana.
E themi këtë, pasi vetë Policia e Shtetit e la Helidon Gjikokën të dilte nga Shqipëria, megjthëse kishte një udhër arresti paraprak për të, por udhëri i paguar nga Gjikoka, ishte të mos prangosej.
Sipas informaconit që disponon “Pamfleti”, thuhet se “porta” e kufirit për Helidon Gjikokën, është hapur me urdhër të mikut e klientit të tij ish shef policie në Vlorë, kryepolicit Ardi Veliu.
Por edhe nëse pazari mes tyre, vazhdon duke i “lidhur duart” Interpol-Tiranës, për të mos dhënë adresat e strukjes së Heldon Gjikokës në Angli që i kanë dorëzuar shërbimet speciale; redaksia “Pamfleti”, po i referon Policisë e “Interpol-Londrës”, adresën se ku po jeton i lirë Helidon Gjikoka: “86 Wayford St London SW11 2TS England”
Nëse pas këtij publikimi, njoftohet të largohet e nuk gjendet në këtë adresë, Policia dhe “Interpol-Londra”; mund të marrë “sqarime” nga të zotët e asaj rezidence banimi e “punësh” të tjera, të cilët kanë pritur dhe strehuar Helidon Gjikokën e Dhërmiut.
NË VIJIM/ Emrat, pasuritë, lidhjet me krimin dhe kontributi i policëve, prokurorëve, gjyqtarëve, drejtuesve të bashkisë e IMT-Himarë, noterëve e Kadastrës Vlorë-Tiranë; bërë në favor të Helidon Gjikokës, për t’i pronësuar resort “Ambla-Dhërmi” me letra false e për t’u arratisur. /Pamfleti
