Kryeministri holandez, Mark Rutte njoftoi sot zgjatjen deri më 9 shkurt të kufizimeve antiCOVID-19 në vend, në një përpjekje për të frenuar përhapjen e pandemisë, ndërsa numri i infektimeve vazhdon të jetë i lartë.
“Nuk mendoj se do t’ju befasoj shumë sonte, bllokimi është zgjatur edhe për tri javë. Pothuajse të gjithë duhet ta kuptojnë se nuk kishte zgjidhje tjetër”, tha Rutte në një konferencë për shtyp në televizion.
Kufizimet pritej të hiqeshin më 19 janar. Gjithashtu, Rutte vuri në dukje se qeveria po konsideron edhe vendosjen e një orari shtetrrethimi dhe se për këtë po bashkëpunon me autoritetet e shëndetit publik.
Qeveria ishte gjithashtu e shqetësuar nga pasojat e mundshme të variantit britanik, tha Rutte. “Ka dritë në fund të tunelit me mbërritjen e vaksinave, por ne po ju kërkojmë përpjekjen përfundimtare – kjo është e vështirë, e kuptoj, por ne mund të arrijmë vijën e përfundimit”, shtoi ai.
Msat anti-COVID edhe në Gjermani kanë të ngjarë të zgjasin deri në 10 javë, siç Angela Merkel ka paralajmëruar, ndërsa Rutte, ka zgjatur bllokimin kombëtar të Holandës në muajin e ardhshëm.
