Të përballesh me imazhe të nënës krejt të zhveshur, të cilat i ka parë gjithkush nëpër botë, është diçka që nuk kapërdihet lehtë.
Ndaj djali i princeshës Diana e ka përjetuar shumë keq këtë ngjarje.
Publikimi i fotove lakuriq të Princeshë Dianës në vitin 1996, krijoi një vorbull skandali në gjithë mbretërinë, por ai që e vuajti më shumë ishte princi William, i cili në atë kohë, ishte vetëm 14 vjeç, në fillimet e adoleshencës.
Kjo situatë e krijuar, përshkruhet në librin me kujtime të Nikolas Kolërixh, kryeredaktori i revistës së famshme “Vogue UK”.
Ai rrëfen në këtë libër, bisedën me princeshë Dianën për këtë çështje.
Autori tregon se Diana i shkoi për një vizitë në “Vogue House” pas këtij skandali dhe i tregoi se Uiljëm po e vuante shumë. “Ai është aq shumë i mërzitur. Disa nga djemtë e kanë ngacmuar duke i thënë se gjinjtë e mi janë shumë të vegjël”, i ka treguar ajo mes të tjerash.
E njëjta situatë e përndoqi William edhe disa vite më vonë, kur dolën foto nudo të Kejt Midëllton. Por këtë herë princi tashmë më i rritur, ia la vendin e përjetimit keq, hakmarrjes ndaj medieve, duke kërkuar një kompensim prej 1.5 milion euro nga revista Franceze Closer e cila i botoi ato imazhe.
William dhe Kate u fotografuan ndërsa pushonin në tarracën e një kështjelle në Provence. William tha se këto pamje i bëri edhe më të dhimbshme fakti që i kujtonin mënyrën se si vdiq e ëma e cila u aksidentua kur ndiqej nga paparacët në Paris.
Bota
