Kronike15 Maj 2019, 11:46

I shpëtoi atentatit me 20 plumba, flet 33-vjeçari: I kisha shoqë, s’kam nevojë për policinë, e zgjidh vetë këtë probl

Shkruar nga Pamfleti
I shpëtoi atentatit me 20 plumba, flet 33-vjeçari: I kisha

I shpëtoi atentatit me 20 plumba, flet 33-vjeçari: I kisha shoqë, s’kam nevojë për policinë, e zgjidh vetë këtë problem

Shënjestra e atentatit të dy ditëve më parë në Vlorë, Romarjo Alliaj jep detaje për mikrofonin e News24 se çfarë ndodhi dy ditë më parë pranë Urës së Mifolit. I riu udhëtonte vetëm me makinë në momentin kur ju ngrit prita.

33-vjeçari tregon se gjithçka erdhi pas një bisede telefonike të bërë një ditë me parë me disa persona për një borxh.

Ai thotë se kishte hyrë ndërmjetës tek një miku i tij për borxhin që nuk ishte kthyer dhe një ditë para atentatit i kishte marrë në telefon dhe iu kishte bërë presion për të kthyer paratë.

33-vjeçari tregon se makina që e ndoqi dhe qëlloi në autostradë ishte një “BMW” gri e errët.

Isha nisur për në Elbasan. Fillimisht më qëlluan nga ana e shoferit, 2 plumba kapën makinën. Më pas unë kalova nga ana e pasagjerit dhe makina nisi të ngadalësonte. 

Makina e autorëve kaloi paralel me mua dhe më qëlluan në breshëri. Pastaj sa e shkrepi të gjithë në makinë erdhën plumbat, mbi 20 plumba nga dera e shoferit. 

Shpëtova se ndaloi një kamion dhe autorët ikën”, tregon 33-vjeçari, i cili akuzon policinë se nuk i ka marrë në pyetje dëshmitarët që nga kamionisti.

I riu thotë se ishin tre persona në makinën nga u qëllua, dy përpara dhe një pas, të tre me maska.

Vetëm ai pas ka qëlluar. Makina ishte me targa franceze pas, para nuk i kishte targat”, tregon ai.

Fjala e fundit e Marios është se nuk ka besim tek policia dhe tek askush. Ai thotë se do t’i zgjidh vetë problemet e tij.

“S’kam besim as tek policia dhe as tek njeri fare. Ky ishte muhabet shoqëror, ishte në rrjet shoqëror. Unë me ta kam ngrënë e kam pirë. Unë i zgjidh vetë problemet e mia. 

Policia është deri ku i takon. Nuk kam besim fare as tek kjo që kam veshur. Edhe atë e kisha shok të ngushtë, kisha shumë besim por erdhi për të më vrarë. 

S’kam besim fare as tek policia, as tek askush. Janë çështje që i zgjidh vetë. Nuk më hyn fare në punë policia”, thotë Mario

Kronike e zgjidh vetë këtë problem flet 33-vjeçari: I kisha shoqë I shpëtoi atentatit me 20 plumba s’kam nevojë për policinë