Presidenti ka deklaruar muaj më parë se kryetarja e LSI është nëna e fëmijëve të tij, e cila e ka të garantuar jetën me shtëpi e katandi. Një natë më parë ai tha se i kishte humbur interesi për Monikën që një vit më parë kur dogji mandatet, pasi e kishte gënjyer. Me këtë lajm Meta u ka dhënë “krahë” hamendësimeve se martesa me Monikën është konsumuar deri në fund dhe ka nxitur teoritë konspirative për shkakun e udhëtimeve të shpeshta në Prevallë. Populli thotë “ku ka zë nuk është pa gjë”
Ilir Meta muaj më parë në një konferencë për mediat deklaroi se Monika Kryemadhi ishte nëna e kalamajve të tij, e cila e kishte të garantuar jetën me shtëpi e katandi.
Që në atë moment u krijua dyshimi se Presidenti dhe kryetarja e LSI ishin në një marrëdhënie të vështirë, pasi flisnin si një çift që nuk kishin punë me njëri-tjetrin apo që të kishin një shtëpi dhe pasuri të përbashkët.
Zërat konspirativë u shtuan akoma më tepër teksa Monika në disa deklarata për mediat njëra pas tjetrës deklaronte se kishte shumë kohë që nuk e kishte takuar Ilir Metën dhe se ai ka punën e tij.
Por një pjesë e opinionit publik këto deklarata i komentoi si një mënyrë për të justifikuar pasurinë e tyre, duke e “zvogëluar” fiktivisht si të ndarë më dysh apo si një përpjekje për të treguar se nuk ndërhyjnë në punët e njëri-tjetrit. Pra që Presidenca është e ndarë nga LSI.
Por deklarata e një nate më parë e Ilir Metës në një emision televiziv i ka rikthyer sërish dyshimet se martesa mes kreut të shtetit dhe kryetares së LSI ka diçka që nuk shkon, duke hamendësuar se tashmë ajo është konsumuar deri në fund.
Madje janë rikthyer dhe teoritë konspirative për shkakun e udhëtimeve të shpeshta të Ilir Metës në Prevallë të Kosovës, nën justifikimin e “pushtimit” të maleve e kodrave nga ana e Presidentit.
Këtyre zërave u ka dhënë “krahë” vetë Ilir Meta, teksa një natë më parë ka deklaruar se i ka humbur interesi për Monika Kryemadhin. Madje i ka humbur interesi për Monikën që para një viti, kur la mandatet duke e gënjyer.
“Zero interes, interesi im është vetëm Kushtetuta! Për Monikën më ka humbur interesi që kur la mandatet duke më gënjyer mua. Do ua tregoj shqiptarëve mesazhet që i kam dërguar Monikës dhe Vasilit, siç tregova edhe atë të Edi Ramës”, tha Meta në emisionin televiziv.
Kjo deklaratë e fortë e bërë nga kreu i shtetit, madje dhe duke puthur dhe betuar mbi Kushtetutë, ka sjellë shpërthimin e hamendësimeve në rrjetin social, sipas të cilave këmbëngulet se Ilir Metës i ka humbur interesi për Monikën si bashkëshorte. E ka thënë vetë Meta dhe njerëzia kanë një bazë ku të dyshojnë, pasi si siç e thotë dhe një postulat i kahershëm i popullit tonë, “ku ka zë nuk është pa gjë”./Pamfleti
Bota
