Sky Sport Italia pretendon se sulmuesi i Roma-s Edin Dzeko ka arritur marrëveshjen për një transferim tek Inter, ku do të ribashkohet me Radja Nainggolan.
Interesi i zikaltërve për boshnjakun nuk është një thashethem i ri, por këtë herë raporti sugjeron se marrëveshja është arritur, të paktën mes lojtarit dhe klubit.
Teksa kontrata aktuale me Roma-n skadon në qershorin e vitit 2020, akoma nuk është propozuar asnjë rinovim.
Dzeko ka që prej vitit 2015 në Stadio Olimpico, kur iu bashkua nga Manchester City.