Përfundojnë ndeshjet e raundit të 5 të UEFA Champions League. Interi ka mundur Borusia Myqengladba me rezultatin 2-3. Zikaltërit zhbllokuan shifrat me golin e Darmian në minutën e 17. Lautaro asistoi duke e parë në krah të lirë dhe futbollisti italian goditi pa u menduar, duke e kaluar topin poshtë këmbëve të portierit gjerman.
Kur mendohej se ndeshja do të mbyllej me fitoren e Interit, Gladbah barazoi rezutatin me Plea. Në minutën e 64, ekipi i Kontes kaloi në epërsi me Lukakun. Belgu nuk gaboi dhe me një diagonale brenda zonës gjeti këndin e largët të portierit duke çuar shifrat në 2-1.
13 minuta më vonë, Lukaku shënoi edhe golin e tretë dhe të dytin personal në këtë takim. Belgu mori një top të bukur dhe përpara portierit e pati të lehtë ta shtynte në rrjetë .
Por, përgjigjia e gjermanëve erdhi menjëherë me Plea, që shënoi gjithashtu dopietën personale të natës pasi kishte realizuar në fund të pjesës së parë.
Atalanta e ka mbyllur në barazim 1-1 ndeshjen me Midtyland. Ekipi mik gjeti golin me anë të Scholz. Kaba e uli mjaft bukur dhe shoku i tij goditi fortë me këmbë. Gjimshiti u mundua ta bllokonte, por nuk ia arriti. Shoku i tij i ekipit nuk ndërhyri në dyluftim në ajër, duke i lënë sulmuesin Gjimshitit që nuk e ndali dot. Në minutën e 73, Atalanta barazoi shifrat me Romero, duke mbajtur gjallë shpresat për kualifikimin.
Liverpuli ka mundur minimalisht Ajaksin, duke siguruar biletën për në raundin tjetër. Kampionët e Europës shënuan golin e vetëm të takimit në minutën e 58. Një gol që u bë i mundur nga një gabim i portierit të miqve Onana. Numri 24 i holandezëve e la topin të kalonte duke menduar se do të përfundonte jashtë, por Jones e ndoqi aksionin deri në fund dhe shënoi me portën e boshatisur.
Atletiko e Madridit dhe Bajerni i Mynihut janë ndarë në barazim 1-1. Ekipi spanjoll shënoi me Zhao Feliks në minutën e 26, i cili nuk gaboi pas një pasimi të mirë brenda zonësa nga Lorente. Mbrojtja e Bajernit nuk ishte e vendosur mirë dhe sulmuesi i ri “kafshoi”. 4 minuta nga fundi i ndeshjes, Myler barazoi shifrat për bavarezët nga pika e bardhë e penalltisë.
Mançester Siti dhe Porto janë ndarë në paqe, duke e mbyllur këtë takim në shifrat 0-0, ndërsa Marseja ka mundur Olimpiakosin me rezultatin 2-1. срочный займ на карту онлайн
