Interi ka mundur me rezultatin e thelë 6-0 Breshan. Ashley Young hapi serinë e golave në minutën e 5 me një gol fluturimthi brenda zonës, i asistuar nga Sanchez, ndërsa 15 minuta më vonë, Alexis Sanchez tundi rrjetën nga pika e bardhë e penalltisë, duke dyfishuar rezultatin për zikaltërit. Në fund të pjesës së parë pati kohë për një tjetër gol të vendasve, që u shënua nga D’Ambrosio.
Në 45 minutat e dyta, Interi shënoi edhe golin e katërt me Gagliardinin, pas një krosimi të saktë të Sanchezit nga goditja e lirë, ndërsa 6 minuta para fundit të kohës së rregullt Eriksen shënoi edhe golin e pestë. Në fund pati kohë edhe për Kandrevën që realizoi edhe golin e gjashtë.
Me këtë fitore, Interi mban vendin e tretë me 64 pikë, ndërsa Bresha renditet në vendin e fundit me 18 pikë. Me shumë gjasa sezonin e ardhshëm ata e shohin veten në Serinë B.
