Rekuperon energjitë me pushime dhe përgatitet për një vit intensiv në planin profesional.
Elisa Isoardi nuk ka kohë për t’iu përkushtuar dashurisë. Pas përfundimit me Matteo Salvinin, do të përqendrohet tek vetja .
Në një intervistë për të përjavshmen ‘Diva e Donna’, rinis të flasë për motivet që e çuan në vendimin për t’i dhënë fund historisë aq të përfolur të dashurisë: “Po plakesha në pritje. Rrija e varur nga ai dhe kjo nuk ishte dinjitoze”.
Isoardi flet me zemër të hapur për fundin e historisë së dashurisë me Salvinin, pa patur pengje dhe duke qenë tejet e ndërgjegjshme: “Unë doja të kujdesesha për veten dhe ai për veten e tij, dy jetë shumë të ndryshme dhe impenjative për t’u bashkuar në një”.
Më pas vazhdon: “Më thonë: Je budallaqe? Mund të ishe gruaja e kryeministrit të ardhshëm’. I njoh limitet e mia dhe preferoj të gaboj”.
Elisa shfaqet e qetë edhe përsa i përket jetës së liderit të Lega-s, me Francesca Verdini-n. Nuk ndjen xhelozi, përkundrazi është e lumtur dhe shpreson që Matteo të mos bëjë të njëjtat gabime.
“Nëse kthehet në shtëpi dhe gjen një buzëqeshje, e meriton. Politika sot është zili. Ne të dy, në fund të fundit, nuk arrinim më të shkëmbenim buzëqeshje” dhe më pas shton: “Le të shohim nëse do arrijë t’i qëndrojë pranë siç ka bërë me mua. Do doja edhe unë një Francesca në versionin mashkull krah meje”.
Për një lidhje tjetër dashurie, ende asgjë: “Sikur ta kisha gjetur!” përfundon bukuroshja.
