Një ish-ushtar britanik po gjykohet me 12 të tjerë në Francë, pasi akuzohet për rrëmbimin e një trashëgimtari të pasur të hotelit. Jacqueline Veyrac, 80 vjeçe, pronare e “Grand Hotel”, me pesë yje në Kanë, u rrëmbye afër shtëpisë së saj në tetor 2016.
Ajo u gjet dy ditë më vonë pasi ishte mbajtur e lidhur dhe e mbyllur për 48 orë në pjesën e pasme të një “Renault Kangoo”, ku ishte detyruar të flinte në një dyshek të ndyrë.
Veyrac, e cila gjithashtu zotëron restorantin “La Reserve” në Nisë, kishte qenë viktimë e një përpjekjeje tjetër rrëmbimi tre vjet më parë.
I dyshuari kryesor është Giuseppe Serena, ish-menaxheri i “La Reserve”. Prokurorët pretendojnë se ai mbajti inat kundër Veyrac pasi ajo i shkëputi kontratën në 2009. Ai akuzohet për organizimin dhe urdhërimin e rrëmbimit të saj me qëllim që të merrte një shpërblim me të cilin ai do të hapte një restorant të ri.
Ish-ushtari britanik Philip Dutton, 52 vjeç, është gjithashtu në bankën e të akuzuarve për përfshirje në rrëmbim dhe komplotin e vitit 2013. Ai dyshohet se synonte të kërkonte një shpërblim prej 5 milion euro, duke synuar të mbante 10 përqind sipas hetuesve, por thuhet se nuk ishte në gjendje të kontaktonte familjen Veyrac.
Dutton, nga Liverpool, i tha avokatit të tij se ai kishte shërbyer në forcat speciale në ushtrinë britanike dhe kishte pësuar djegie serioze nga një shpërthim minie në Afganistan në 2011. Grand Hotel në Kanë është i popullarizuar nga të famshëm që marrin pjesë në festivalin vjetor të filmit dhe vizitorë të tjerë VIP.
