Një anëtar i këshillit të qytetit në Berkeley, California, ka bërë thirrje që institucioni ku ka marrë mësimet e para nënpresidentja e zgjedhur të riemërtohet në Shkollën Fillore Kamala Harris.
Kjo e fundit, hapat e para të dijes i mori në shkollën fillore Thousand Oaks në fund të viteve të 60-të dhe në fillim të viteve 70.
Drejtori i shkollës tha se ndihej “krenar dhe i entuziazmuar” me suksesin e Harrisit, por vendimi do të merrej nga bordi i shkollës ose mbikëqyrësi, shkruan San Francisco Chronicle, raporton bbc.
Theksojmë se presidenti i një bordi shkollor lokal në San Francisco u largua pasi gruaja e tij ka bërë thirrje raciste në drejtim të Harrisit.
Jon Venverloh tha se nuk ishte dakord me “pikëpamjet e dënueshme” të gruas së tij. Ajo më pas ka kërkuar falje.
