Ju themi çfarë duhet të dini për kafeinën, droga që konsumojmë të gjithë

Disa prej nesh, as që mund ta quajnë veten njerëz pa pirë të paktën tre filxhanë kafeje në ditë.Kafeina na ndihmon që të vendosim ura komunikimi me të tjerët, si do të ishte bota pa kafenë dhe pa ekspresin klasik të mëngjesit? Nuk duam as ta mendojmë. Gjithsesi ka disa detaje të cilat nuk i dimë për substancën “mrekullibërëse”, i shohim më poshtë.
 



Kafeina është një drogë psikoaktive

Në fakt është substanca psikoaktive më e përdorur në botë, sipas studimeve të Organizatës Botërore të Shëndetësisë rreth 80 % e të rriturve në botë e përdorin.
Sipas po të njëjtës Organizatë, kafeina është një substancë e cila e fut trurin në gjendje eksitimi momentale dhe na bën të ndryshojmë humor si dhe sjellje. Në substancat e tjera psikoaktive janë heroina, alkooli, nikotina dhe marijuana.

Kafeina e fut trurin në grackë, që të mendojë se nuk është i lodhur

Kafeina është e ngjashme me një substancë biokimike të quajtur adenosinë. Kjo substancë, është e përgjegjshme për gjumin tonë. Kur ju pini kafe kafeina ndërhyn në punën e kësaj substance në tru dhe ju nuk e ndjeni lodhjen.

Së fundmi nëse konsumoni kafeinë çdo ditë ka një lloj mundësie që të bëheni të varur