Tre shqiptarë kanë rënë në prangat e policisë Italiane, pasi akuzohen se trafikonin lëndë narkotike
Tre shqiptarë të moshave 26, 39 dhe 45 vjeç, përfunduan në prangat e policisë italiane që sekuestruan 275 kg drogë që po transportoheshin nga shtetasit në fjalë.
Mësohet se lënda narkotike, përkatësisht 160 kg hashash dhe 115 kg marijuanë është kapur në qytetin e Riminit. Karabinierët zunë në befasi tre shqiptarët ndësa po transportonin drogën me një furgon, ndërkohë që pakot me lëndë narkotike ishin shkarkuar mbrëmjen e të premtes kamioni.
Shqiptarët u arrestuan në flagrancë nga karabinierët ndërkohë që po bënin shkëmbimin e lëndës narkotike. Droga u gjet në një kamion, fshehur pas paletave të detergjentëve.
Operacioni është rezultat i një aktiviteti monitorimi të kryer me ekspertizën e Seksionit Anti-Drogë. Siç duket nga këto foto korrierët kishin vendosur imazhe nga personazhe të animuar të “Dragon Ball”, apo kopertina nga seriale televizive si “Validè” në pakot me drogë.
