Kate Chopin – Katherine O’Flaherty (lindur më 8 shkurt 1851, St. Louis, Mo., Amerikë – vdekur më 22 gusht 1904, në St. Louis), një romanciere Amerikane e cila ngjalli interes të pamasë në shekullin e njëzetë duke qenë se shkrimet e saj kryesisht trajtonin lirinë e femrës, gjë çka më vonë do të kumtonte temat e letërsisë feministe.
Lindur në një familje të spikatur në St. Louis, Katherine O’Flaherty ishte një vajzë mjaft e lexuar. Qershorin e vitit 1870 ajo u martua me Oscar Chopin, me të cilin jetoi në New Orleans, Louisiana, e më vonë në një plantacion pranë Cloutiersville, Louisiana, deri sa ai vdiq në vitin 1882.
Në romanet dhe tregimet e saj, të cilat qenë më shumë se 100, në kundërshtim me prirjet e përgjithshme të asaj kohe, Kate Chopin trajtoi subjektet tabu të dëshirës seksuale të femrave si edhe përvojave të tyre sensuale. Vepra e saj Zgjimi, jo vetëm që zbulon një ekzaminim të fortë të seksualitetit femëror, por gjithashtu edhe për rolin e seksit në jetën e një gruaje: protagonistet e Kate Chopin kryejnë tradhti, heqin dorë nga seksi, madje edhe e drejtojnë afeksionin e tyre drejt femrave të tjera.
Heroinat e Kate Chopin, me përvojat seksuale të tyre brenda apo jashtë martese, të gjitha kanë diçka të përbashkët: ato nuk e arrijnë dot përmbushjen personale pa e pranuar dimensionin seksual të nevojave të tyre. Në një shoqëri ku patriarkizmi e nguroste seksualitetin e femrave brenda mëmësisë dhe lindjes, veprat e Kate Chopin janë një prozë unike Amerikane e asaj kohe.
Katë Chopin pësoi një hemorragji në tru dhe vdiq në vitin 1904, në moshën 54-vjeçare.
