Aktualitet18 Gusht 2019, 20:26

Monstra i Porto Palermos/ Kokëdhima e paguan shtrenjtë, biznesi i tij u mbyll ditën e sotme, priten verifikimet

Shkruar nga Pamfleti
Monstra i Porto Palermos/ Kokëdhima e paguan shtrenjtë, biznesi i tij

Restoranti i Mihal Kokëdhimës në Porto Palermo është gjetur i mbyllur ditën e sotme. Dyert e këtij biznesi tashmë janë të mbyllura, pas incidentit që ndodhi me turistët spanjolle. Shezlongët dhe karriket e restorantit, kanë mbetur bosh. Megjithatë, disa turistë që kanë pronotuar më herët, po vazhdojnë të qëndrojnë në dhomat poshtë restorantit.

“Kemi ardhur këtu që në datën 8 gusht. Për mua Porto Palermo është vendi më i bukur në Shqipëri. Për të fjetur jemi tek Panorama. Restoranti është i mbyllur sot. Është i hapur vetëm për ata që kanë pronotuar”- thotë një pushues.

Plazhi i Porto Palermos, ngjtiur me restorantin e Mihal Kokëdhimës, është i mbushur me turistë të huaj të cilët kanë ardhur me makinat e tyre ose me kamper. Në padijeni të incidentit, ata po i vazhdojnë të qetë pushimet.

Më pëlqen shumë këtu në Porto Palermo. Kemi ardhur përpara katër ditësh në Shqipëri dhe sot erdhëm këtu në Porto Palermo. Është shumë bukur dhe shumë qetë. Kemi vizituar disa vende këtu në Shqipëri”- u shpreh një pushues tjetër.

Nga ambjentet e këtij restoranti na u përgjigj një person i cili tha se restorani është mbyllur. Ai refuzoi të jepte shpjegime të metëjshme. Pavarësisht tentativës së Bashkisë së Himarës për ta shembur në vitin 2012, si objekt pa leje, biznesi vijoi të ushtrojë aktivitetin për vite me radhë mbi pronë publike, teksa aktualisht ndodhet në proces legalizimi. Aktualisht po verifikohet nëse pronari e ka regjistruar si aktivitet dhe nëse i paguan apo jo detyrimet shtetërore.

Aktualitet