Komiteti i Ekspertëve ka dalë në një konferencë për mediat, për të folur mbi situatën e pandemisë në vendin tonë, dhe për efektivitetin e masave që janë marrë.
Albana Fico:Situata paraqitet në një nivel risku të shtuar, incidenca dyjavore rezulton që të jetë e rritur, me një mesatare rastesh ditore prejk 704 infektimesh ditore. Femrat janë më të prekur na raport me meshkujt, në raportin 52% me 48%,. Moshat më të prekura janë ato mbi 64 vjeç.
Skënder Brataj:Numri i thirrjeve vijon që të jetë i njëjtë, janë 463 vizita në banesë në 24 orët e fundit. Janë marrë masat për menaxhimin më të mirë të shtretërve në spitalet Covid, që të mos ketë pritje të ambulancave. Qytetarët duhet të kenë parasysh se ka një menaxhim më të mirë të spitaleve Covid.
Mos u përpiqni që të gjeni mjete të transportit, për të shkuar drejt spitaleve. Kjo është gjendja aktuale në këto momente që flasim.
Mira Rakacolli:Situata vijon që të mbetet tërësisht e kontrolluar. Komiteti Teknik duke qenë i vëmendshëm, mësimi në Universitete do të vijojë online edhe për një periudhë të caktuar. Do të shohim nëse do të ketë nevojë për një shtim të masave. Beteja me Covidin nuk është thjesht një betejë spitalore, është beteja e të gjithëve. Vetëm nëse do të zbatoni masat që ne me shumë forcë i kemi kërkuare vazhdimisht, vetëm në këtë mënyrë mund ta ndalojmë pandeminë. Mos shkoni nëpër lokale, evitoni pjesëmarrjet në ceremonitë familjare, në aktivitete kulturore e sportive.
