Dua Lipa është një nga zërat më të dashur të muzikës shqiptare brenda dhe jashtë vendit. Këngëtarja është padyshim një ndër krenaritë e Kosovës, e cila me talentin dhe punën e palodhshme ja ka dalë të kthehet në një ndër emrat më të suksesshëm të skenave botërore.
Së fundmi, ajo së bashku me babin e saj organizuan në Prishtinë eventin muzikor “Sunny Hill” duke e bërë emrin e Kosovës të dëgjohej në mbarë botën.
Për të shpërblyer të gjithë punën e saj, Kosova ka nderuar Duan me një pikturë gjigande murale në një nga pallatet kryesore të Prishtinës.
Imazhi i saj është piktururar pikërisht përballë Prokurorisë së Shtetit, në sheshin “Edit Durham”, një vend ky shumë i vizituar nga të gjithë ata që zgjedhin Kosovën.
Padyshim ky gjest ka tërhequr edhe vëmendjen e Dua e cila këtë pikturë, në të cilën ajo shfaqet ë shndërruar në një “robot”, e ka shpërndarë në Instastory duke shprehur entuziasmin për këtë vepër kaq të veçantë.