Kosova 9 Tetor 2019, 15:27

Kosovë/ Fillojnë dorëheqjet e para pas zgjedhjeve, Fisnik Ismaili largohet përfundimisht nga politika, braktis edhe PSD-në

Shkruar nga Pamfleti
Kosovë/ Fillojnë dorëheqjet e para pas zgjedhjeve, Fisnik Ismaili

Kosovë/ Fillojnë dorëheqjet e para pas zgjedhjeve, Fisnik Ismaili largohet përfundimisht nga politika, braktis edhe PSD-në

Kandidati për deputet nga radhët e koalicionit AAK-PSD Fisnik Ismaili në një prononcim për “Gazeta Blic” ka konfirmuar largimin nga PSD-ja dhe politika në tërësi.

Ismaili, shkurtimisht i ka thënë “Gazeta Blic” se nuk do të jetë më pjesë e politikës dhe e asnjë subjekti politik.

“Unë nuk merrem më me politikë. Nuk do jem më në asnjë subjekt, asnjëherë“ ka thënë Ismaili.

Ai ditët e fundit ka paralajmëruar largimin e tij nga politika më anë të shkrimeve në rrjetin e tij social. I ashpër ka qenë edhe me ish-bashkëpartiakun e tij Sali Zyba i cili kërcënoi kryetarin e Prishtinës Shpend Ahmeti.

“I tillë është ky stoka e gjallë, Salih Zyba. Ky stokë që ka marrë vota në 2014 në Lëvizje, qaq sa unë mora sivjet në koalicionin e përçudët, tuj ba fushatë me mace edhe çorape me vija: boll sa me e këqyre Kuvendin në televizor. Në 2017 me çyyyyykë të zorit hini. Paramendoje, ky atëherë ka qenë edhe kryeinspektor i Prishtinës, kur Shpendi ndalojke ndërtime ilegale, edhe ish njifarë ylli, e unë sot, një tradhtar i poshtër e i ndëshkuar nga elektorati” shkruan Ismaili në rrjetin social Facebook.

Ismaili në zgjedhjet e 6 tetorit nuk arrit të marrë numrin e mjaftueshëm të votave për t’u bërë deputet.

Ai ishte njëri nga 12 deputetët që u larguan nga Lëvizja Vetëvendosje dhe formuan partinë Socialdemokrate.

Nga ky subjekt politik deri më tani asnjë prej tyre nuk ka siguruar mandatin e deputetit.

Prishtine Fisnik Ismaili ish-deputeti i kuvendit të Kosovës largimi nga PSD