Kryetari i PD-së Lulzim Basha ka pritur sot në një takim kryetarin e Komunës së Mitrovicës, Agim Bahtiri. Gjatë fjalës së tij para mediave, Basha kërkoi një përgjigje të bashkuar për interesat kombëtare dhe solidarizim me Kosovën.
Njësoj si Basha, edhe Bahtiri i bëri thirrje partive politike në të Kosovë dhe Shqipëri të bashkohen “sepse çlirimtarët tanë po trajtohen në Hagë padrejtësisht”.
Kryetari i Komunës Agim Bahtiri i doli në mbrojtje liderit të PD-së sa i takon akuzave që janë lakuar ndaj tij në lidhje me hetimet për UÇK-në gjatë luftës së Kosovës. Ai i quajti akuzat se Basha ka qënë pjesë e hetimeve të shqiptarëve në Kosovë, për krimet pas lufte si:
“Shpifjet e ulëta nuk i takojnë Bashës, ndaj jemi këtu që ta mbrojmë në emër të qytetarëve të Kosovës”.
Pjesë nga fjala e dy politikanëve
“Kam kenaqësi dhe nderin e veçantë që të mirëpresë kryetarin e komunës së Mitrovicës, Agim Bahtiri. Si qytetar nderi i Mitrovicës, dua t’i shpreh mirënjohje për vizitën e tij por dhe për mikpritjen e madhe që më bëri para disa muajsh gjatë vizitës time. Kemi folur për sfidat e mëdha me të cilat po përballet Kosova dhe domosdoshmërinë e një përgjigje të bashkuar në interesat e Shqipërisë e Kosovës. Solidarizim me Kosovën për përballjen e këtyre sfidave.”, pohoi Basha.
“Sot kam ardhur të vizitojë mikun tim dhe qytetarin tim. Pasi për punën dhe kontributin e kam shpallur qytetar nderi. Ndaj i bëj një apel të gjithëve krerëve të partive pulitke në Shqipëri e Kosovë që të bashkohen në një trup. Pasi kemi një tragjedi në Kosovë. Kosova është në një situatë të keqe dhe të brengosur. Pasi UÇK po trajtohet në Hagë padrejtësisht. Ndaj shpifjet më të ulta që do t’i bëjë dikush me qëllime të caktuara, nuk i takojnë Bashës, ndaj jemi këtu. Që të mbrojmë në emër të të gjithë shqiptarëve të Mitrovicës. Pasi e kemi nip dhe si i tillë ka dhënë kontribut të veçantë për Kosovën. Kontributi i tij nuk harrohet në Kosovë. Shijet e disa njerëzve, që s’dua t’ja përmend emrin, janë të ulëta, prej fundit deri në fund.”, pohoi kryetari i Komunës së Mitrovicës.
