Kronike24 Maj 2024, 09:44

Goditet grupi kriminal në Tiranë, sekuestrohen 10 armë zjarri që trafikoheshin nga Kosova

Shkruar nga Pamfleti
Goditet grupi kriminal në Tiranë, sekuestrohen 10 armë zjarri
Foto ilustruese

Policia e Tiranë ka kryer një operacion në sajë të të cilit janë gjetur dhe sekuestruar 10 armë zjarri.

Sipas informacioneve, mësohet se armët trafikoheshin nga Kosova drejt Shqipërisë.

4 të arrestuar nga Kosova, që mendohet se i sillnin nga atje për ti shitur në Tiranë. Policia arriti të finalizoj operacionin pranë terminalit të autobusëve në TEG.

Në pranga kanë rënë Blerim Krasniqi, Benjami Shala, Edonis Thaçi, Muhamed Krasniqi.

"Seksioni për Hetimin e Trafiqeve të Paligjshme, në bashkëpunim me Seksionin për Operacionet Speciale në DVP Tiranë, në kuadër të një procedimi penal të ndjekur me metoda speciale të hetimit, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, si dhe në zbatim të masave të planit operacional "Sundimi i ligjit", finalizoi operacionin e koduar “Transportuesi 2”. 

Gjatë operacionit, në vendparkimin e një terminali autobusëzh, në Lundër, u kapën dhe arrestuan në flagrancë shtetasit: B. K., 28 vjeç, B. Sh., 20 vjeç, E. Th., 25 vjeç, dhe M. K., 20 vjeç, të gjithë banues në Kosovë.    

Shtetasi B. K. dyshohet se ka vënë në autobusin me drejtues shtetasin E. Th., një çantë brenda së cilës u gjetën 10 armë zjarri pistoleta, 10 krehra dhe sasi municioni luftarak. Më pas, shtetasi B. K., në bashkëpunim me shtetasin M. K., kanë ndjekur me automjetin e tyre, autobusin, gjatë gjithë itnerarit. 
  
Nga verifikimet e kryera ka rezultuar se armët e zjarrit ishin trafikuar në Tiranë, me qëllim shitjen në vlerat 1500-3000 euro. Po nga verifikimet e kryera dyshohet se pronari i linjës së autobusëve, shtetasi E. Th., së bashku me shtetas të tjerë, ka trafikuar armë zjarri drejt Shqipërisë, në disa raste.     
   
Në cilësinë e provës materiale u sekuestruan 10 armë zjarri pistoleta, me krehra dhe municion luftarak, 1 automjet dhe 5 celularë."- njofton policia.