Kronike25 Maj 2024, 16:13

I shpallur në kërkim ndërkombëtar për shitje të lëndëve narkotike, ndalohet në Morinë 41-vjeçari serb

Shkruar nga Pamfleti

I shpallur në kërkim ndërkombëtar për shitje të

Një 41-vjeçar serb i shpallur në kërkim ndërkombëtar është ndaluar sot nga Policia Kufitare e Morinës. Mësohet se Dushan Joviçiç, ka qene i dënuar me 9 vite burg, për prodhim dhe shitje të lëndëve narkotike. Ndërkohë, po vijojnë procedurat për ekstradimin e 41-vjeçarit, në Serbi.

“Policia Kufitare e Morinës ndaloi një shtetas të shpallur në kërkim ndërkombëtar, nga Serbia, i dënuar për prodhim dhe shitje të lëndëve narkotike.

Shërbimet e Policisë Kufitare krahas zbatimit të marrëveshjes për qarkullimin e lirë ndërmjet Shqipërisë dhe Kosovës, kanë rritur vigjilencën për goditjen e paligjshmërive në kufi, si dhe për ndalimin e shtetasve që sinjalizohen si të shpallur në kërkim dhe tentojnë të hyjnë apo të dalin nga kjo pikë kufitare.

Në këtë kuadër, në bashkëpunim me shërbimet e DVP Kukës dhe si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Serbi, u ndalua në hyrje të Shqipërisë, me qëllim ekstradimin në Serbi, shtetasi serb Dushan Joviçiç, 41 vjeç.

Ai ishte shpallur në kërkim ndërkombëtar, pasi Gjykata e Themelore Kraljevo, e ka dënuar me 9 vite burg, për prodhim dhe shitje të lëndëve narkotike.

Në përfundim të veprimeve, Sektori për Hetimin e Krimeve në DVP Kukës, bënë arrestimin provizor të këtij shtetasi, me qëllim ekstradimin e tij drejt Serbisë.

Vijojnë procedurat për ekstradimin e 41-vjeçarit, në Serbi”, njofton policia.