Kronike21 Janar 2024, 17:59

U gjet i pajetë në pyll, publikohet fotoja e shqiptarit që u vra me thikë në Itali

Shkruar nga Pamfleti

U gjet i pajetë në pyll, publikohet fotoja e shqiptarit që u vra

Është publikuar fotoja e 39-vjeçarit shqiptar i cili u gjet i pajetë ditën e sotme në një pyll në Itali.

Familjarët e shqiptarit Bledar Dedja kishin humbur kontaktet me të që prej mbrëmjes së djeshme.

Pasi mbaroi punën, ai duhej të kthehej në shtëpi në Asolo në provincën e Trevisos, por askush nuk e pa më, deri mëngjesin e kësaj të diele kur trupi i tij u gjet i pajetë në Paderno (fshat në Pieve del Grappa). Siç raportojnë mediat italiane, trupi i pajetë i shqiptarit u gjet jashtë makinës së tij.

Në trupin e tij kishte plagë të thella me thikë në kokë, gjoks, si dhe në duar, shenjë e përpjekjes për t’u mbrojtur nga sulmi fatal. Ndërkohë, arma e ftohtë e vrasjes nuk u gjet në vendin ku ndodhi krimi.

Në vendin e ngjarjes shkuan menjëherë prokurorja Barbara Sabattini, mjeku Alberto Furlanetto dhe karabinierët e Trevisos, të cilët nisën hetimet për vrasjen e 39-vjeçarit. Akoma nuk ka një pistë ku përqendrohen hetimet mbi motivet dhe autorin/ët e kësaj ngjarje.

Bledar Dedja punonte në restorantin “L’Antica Abbazia” në Borso del Grappa që nga viti 2021. Ai la pas bashkëshorten dhe një vajzë të vogël.

U gjet i pajetë në pyll, publikohet fotoja e shqiptarit që u vra
Në foto: Bledar Dedja me familjen e tij

foto shqiptar thike itali pyll pajete