Kronike26 Shkurt 2024, 13:05

Vetëvrasja e Sibela Abedinit, flet daja: Vajzën e kanë hedhur, drejtësia të zbardhë ngjarjen

Shkruar nga Pamfleti

Vetëvrasja e Sibela Abedinit, flet daja: Vajzën e kanë hedhur,

Daja i Sibelës, e cila dyshohet se i ka dhënë fund jetës, pas shantazhit me një foto intime, ka deklaruar se  deklaruar se mbesa e tij nuk i ka dhënë fund jetës. Sipas tij, Sibelën e kanë hedhur nga banesa.

Ai u shpreh se mbesa e tij nuk kishte arsye pse të vriste veten, pasi kishte një fëmijë të vogël për të mbajtur. Daja i saj kërkon që drejtësia të zbardhë ngjarjen.

“Ligji shqiptar të vendosë drejtësi. Unë kam qenë duke punuar në Gjermani dhe jemi të ngarkuar këtu me punë, nuk kemi shumë kohë. Fillimisht kam marrë vesh se ka vdekur. Vajza nuk është hedhur, vajzën e kanë hedhur. Se në çfarë mënyre e kanë hedhur, ta zbardhin organet kompetente. Mesa mora vesh se ka qenë edhe një kamera në vendngjarje, e ajo kamera duhet të hapet, që të hetohet më mirë.

Nuk besoj se ka vetëvrasje, sepse nuk besoj se Sibela do të linte një fëmijë 2 vjeç. Unë nuk dua që emri i mbesës sime të jepet sipas interesave të mediave. Ajo është vetëm një engjëll që iku dhe la një tjetër engjëll tjetër në këtë botë. Ky është mesazhi im. Kjo që i ndodhi sot mbesës sime, uroj që mos t’i ndodhë asnjë nëne në Shqipëri e në shqiptari”, deklaroi daja i Sibela Abedinit për "News 24".

Sibela Abedini dyshohet se i dha fund jetës, pas publikimit në Tik Tok të një foto të saj intime. Në lidhje me ngjarjen, është arrestuar personazhi i Tik Tok, Altin Çoku.