A qe frytdhënës takimi mes ministrit të Jashtëm grek, Nikos Dendias dhe kryeministrit Rama. Në fakt disa sinjale, të lëshuara në ajër, por jo me zë të lartë, tregojnë se asgjë nuk ka shkuar mirë mes palëve.
Që në fillim të takimit, Rama përcolli mesazhin e nacionalistit, me anë të kollares që kishte zgjedhur. Kollarja ngjyrë e kuqe me shqiponjën e zezë, ndoshta ishte një mesazh i koduar, që nuk e shes detin. Por kjo nuk është një përgjigje definitive.
Mesazhi i dytë, i thënë me zë, por jo hapur ishte gjatë konferencës së përbashkët, ku Rama tha se ,-“çështja e kufijve detarë do të trajtohet në instancat ndërkombëtare, për të vendosur pikat mbi “i”, në bazë të ekspertizës dhe të drejtës ndërkombëtare të detit. Nuk është çështje propagande”.
Mos vallë Rama këtu po tenton të shmangë sulmet që mund të bëhen në drejtim të tij për kufijtë detarë mes Shqipërisë dhe Greqisë dhe peshën po ia lë ndërkombëtarëve, apo nuk ka pranuar marrëveshjen që Dendias mund t’i ketë nxjerrë në tryezë.
Dhe masazhi i fundit provokues kishte të bënte me përshëndetjen në gjuhën turke nga ana e kryeminstrit Rama, kur i tha “Ejvallah” . Në mënyrë implicite Rama, po i thoshte Greqisë që do të ecë në të njëjtën linjë politike me Turqinë dhe se nuk do të lëshoj pe’ për kufijtë detarë.
