Si mashtroi Sali Berisha se kulla e tij ka shërbyer si bazë e UÇK-së për të mjegulluar pas luftës veprimtarinë e tij në shërbim të Millosheviçit
Dhjetëra dëshmi, dokumente dhe fakte të njohura botërisht konfirmojnë lidhjet e Sali Berishës me qarqet e Beogradit dhe UDB-në.
Furnizimi me naftë i makinerisë luftarake serbe, takimet e fshehta me Millosheviçin dhe Arkanin, zhdukja e Remzi Hoxhës, atentatet ndaj luftëtarëve të UÇK, përndjekja e Adem Jasharit dhe të drejtuesve të UÇK, konsiderimi i UÇK si bandë terroriste etj., janë vetëm një pjesë e veprimtarisë së Sali Berishës në shërbim të UDB-së.
Pas mbarimit të luftës, Berisha e ndryshoi pllakën, duke deklaruar se kishte mbështetur UÇK. Berisha arriti deri aty sa deklaroi se kullën e tij në Viçidol të Tropojës ishte vënë në dispozicion të UÇK-së gjatë luftës, një mashtrim ky për të mjegulluar veprimtarinë e tij kundër UÇK.
Luftëtarët e UÇK dhe ata që kanë mbështetur UÇK në prapaskenë kanë deklaruar se kurrë kulla e Berishës nuk është vënë në dispozicion të luftës kundër Serbisë.
Njëri prej udhëheqësve të luftës, Nesim Haradinaj, ka deklaruar se “E vetmja kullë e jote që ke ‘si bazë të UÇK-së’ është ajo kulla ‘model’ që more dhuratë nga ish-punëtori i Sigurimit të UDB-së: Mustafë Lokaj. Pra ajo ‘trofe’ është krenaria jote dhe e familjes suaj të ngushtë. Kjo shtëpi në foto është ish-shtëpia e juaj, por si bazë e UÇK-së ka qenë e Bacës Sylejman dhe djalit të tij Gëzimit”.
Nga ana tjetër, Izet Haxhia, një nga njerëzit më të besuar të Berishës, ka deklaruar se kulla e Berishës në Viçidol ishte një nga bazat kryesore të UDB dhe të sabotimit të UÇK. Haxhia ka pohuar se “Kulla e Berishës ka ”meritën” se ka strehuar në vjeshtën e 1943 serbo-boshnjakun Vuk Karaxhiç. Kjo kullë gjithashtu ka shërbyer edhe si një bazë e dyfishtë e UDB dhe e Sigurimit të Shtetit ku bëheshin takimet e tyre dhe atyre agjentëve që bënin lojën e dyfishtë atë të Sigurimit dhe UDB. Prandaj çfarë të mundohen të shpikin e sajojnë për kullën e Berishës apo sado para të fituara me gjakun e shqiptareve të shqiptarëve, për ringritjen e saj, nuk mund ta shpëtojnë nga vula e turpit e tradhtisë që i ka vënë asaj, Sali Berisha.
Brezat e mëvonshëm do ta kujtojnë atë, si kullën ku lindi e rriti Esat Pashën e dytë të Shqipërisë, Sali Berishën”.
Nga ana tjetër, njerëzit kryesorë që furnizonin me armë UÇK dhe që organizonin rezistencën në Shqipëri, kanë deklaruar se mbështetës kryesorë në Tropojë kishin Haklajt dhe jo Berishën. Ky i fundit ishte identifikuar si person i dyshimtë dhe i besuar i UDB në Shqipëri. Heroi Qerim Kelmendi, ka rrëfyer para se ta eliminonin në 27 shkurt 2020, se Adem Jashari i kishte porositur që të kishin kujdes nga Sali Berisha si me serbët.
Kelmedi ka pohuar se “Ndërsa bartësit e organizimit të celulave të para të UÇK-së ishin padyshim edhe Adem Jashari e Zahir Pajaziti, të cilët ka rastisur që të përndiqen nga shteti shqiptar i cili drejtohej nga Presidenti Sali Berisha dhe oficeri i UDB-së Bashkim Gazidede. Sot, nuk di se përse opinionit në Shqipëri i bën përshtypje arrestimi i Adem Jasharit dhe Zahir Pajazitit në Tiranë, e shumë pak ndalen për të analizuar lidhjet e Sali Berishës me Serbinë, si dhe takimet që ai ka patur me oficerët e lartë të UDB-së. Përshtypjet dhe pikëpamjet e Adem Jasharit e Zahir Pajazitit por edhe gjithë bartësve të organizmit të celulave të para të UÇK-së në lidhje me Sali Berishën kanë qenë të qarta.
Vazhdimisht ia kemi bërë me dije kujtdo që ka lidhje me UÇK-në se në Shqiperi, ku drejtonte Sali Berisha, të bëjmë kujdes të madh sepse nga shteti i Sali Berishës dhe nga zyra e Kosovës që ishte instaluar aty duhet të bënim kujdes njësoj sikur të ishim në Kosovë dhe vazhdimisht kemi marrë masa mbrojtëse, nga survejimet dhe përndjekjet e mundshme. Edhe Adrian Krasniqi, në muajin shkurt 1997 është prangosur dhe i është marrë armatimi personal nga larot e Berishës. Në muajin tetor 1997 Adriani është vrarë. Por ky arrestim mund të ketë qenë edhe i rastësishëm ndaj nuk dua të spekuloj me këtë rast. Me keqardhje e them se shteti i Sali Berishës, qeveria Bukoshi, Zyra e Kosovës, kishin ndërlidhje me nëntokën e zezë të UDB-së. E them me bindje dhe mendoj edhe sot e kësaj dite kështu. Për lidhje të tilla të kësaj natyre ka materiale edhe shteti shqiptar dhe kur arkivat të hapen do vërtetohet kjo që po ju them unë”./Pamfleti
