Kulture 5 Dhjetor 2023, 16:40

Regjisori flet për humbjen e Mirush Kabashit: E njoh që 5 vjeç, ishte fenomenal

Shkruar nga Pamfleti

Regjisori flet për humbjen e Mirush Kabashit: E njoh që 5 vjeç,

Regjisori Haxhi Rama ka treguar disa nga kujtimet me aktorin e ndjerë, Mirush Kabashi, i cili ndërroi jetë ditën e sotme në moshën 75-vjeçare. Ai tregon se e ka njohur aktorin që kur ishte 5 vjeç, teksa rrëfen se ka bashkëpunuar 10 deri në 15 projekte në teatër.

“Në mëngjes sapo ishte zgjuar hapa tv dhe mora vesh lajmin e kobshëm. Pas 5 min më ra telefoni dhe një nga ju më kërkoi një mendim, nuk isha në gjendje. Këto që flas tani do kërkoj ndjesë, por formulova këtë ide, Kabashi nderi i kombit sot për mua është dhimbja e kombit. Kjo dhimbje mund të jetë ngushëllimi më i mirë për familjarët dhe dashamirësit e tij. Ishte një mik i hershëm, Mirushin mund ta kem njohur kur ka qenë 5 vjeç. Ka qenë një koleg i shquar në punë. Një aktor me cilësi të jashtëzakonshme, me një ambicie profesionale, fenomenale, vullnet. Mirushi ishte aktori nga ata që e kupton kërkesën e regjisë, spektaklit, e realizonte në mënyrë perfekte. Humbja e Mirush Kabashit është humbje kombëtare.

Ka një tipar të jashtëzakonshëm që e njohin të gjithë qytetarët e Durrësit, dashuria për detin. E bukura që bënte Mirushi dhe Spiro Rumi ishte ta kalonin me not nga Teuta deri Iliria. Ka bërë maratonën nga Sazani deri në Vlorë dhe më e bukura është se atë natë ne kishim llogaritur shfaqjen dhe ai i hipi motorit të shokut të vet pasi kishte bërë 9 orë not dhe erdhi në mbrëmje në shfaqje”, tha Haxhi Rama.

mirush kabashi haxhi rama aktori