Arrestohet biznesmeni i 16-të si pjesë e një grupi biznesmenësh që dyshohet se janë përfshirë në një skeme mashtruese me tatimin mbi vlerën e shtuar, TVSH. Biznesmeni i arrestuar sot është Drilon Bareti.
Ai akuzohet për vepra penale të “Krijimi i skemave mashtruese lidhur me tatimin mbi vlerën e shtuar”, “ Falsifikimi i vulave, stampave ose formularëve” dhe “Fshehje e të ardhurave”.
Ndërkohë të 15 biznesmenët e arrestuar te merkuren janë sot në gjykatë për masë sigurie. Prokuroria ka kërkuar arrest me burg për 14 prej tyre dhe arrest shtepie per Shkëlqim Prodani
Avokati i biznesmenit Paqsor Buzi kërkon lirimin e klientit të tij kundrejt garancisë pasurore prej 60 mijë euro. “Kur kam shkuar më polici më kanë thënë që po akuzohesha për evazion fiskal” u shpreh Buzi në gjykatë.
Buzi, i cili është njëherazi administrator dhe aksioner me 50% i kompanisë së ndërtimit G.P.G Company sh.p.k u arrestua bashkë me 14 biznesmenë të tjerë në Tiranë me akuzat e “krijimit të skemave mashtruese me TVSH”, “falsifikimit” dhe “fshehjes së të ardhurave”.
Ai eshte kontraktori më i madh i qeverisë në projektet e Rilindjes Urbane, Paqsor Buzi i kompanisë së ndërtimit G.P.G u arrestua mbrëmjen e së mërkurës si pjesë e një grupi biznesmenësh që dyshohet se janë përfshirë në një skeme mashtruese me tatimin mbi vlerën e shtuar, TVSH.