Anti-krimi i Policisë-Durrës, të hetojë nga cilët burime do dalin miliona Euro, kur dy firmat që do ndërtojnë kompleksin gjigand, kanë vetëm 30 milionë lekë kapital; ndërsa SPAK duhet të hetojë grabitjen e kësaj pasurisë publike, bërë me oligarkun e ndërtimit Gentian Sula, bashkëshort i shefes së dosjeve të sigurimit, mbasi këtij oligarku i janë dhënë edhe 105 milionë Euro tendera e PPP në 7 vite pa garë, i janë dhuruar 25 ha truall në Tiranë, Durrës e Vlorë për pallate, 2.9 ha tokë pronë shteti në Kakome dhe 10 ha tokë bregdet në Dhërmi-Drimadhe
Kryeministri Rama, duke përdorur si propozuese ministren Anila Denaj dhe si firmosës Erjon Braçen, ka grabitur një tjetër pasuri publike në bregdetin e Lalzit.
Me VKM nr. 292, datë 19.5.2021, Babloku i ka shitur (dhuruar) 55 000 m2 tokë buzë detit, ndërtuesit të rezidenës “Kodra e Diellit”, Gentian Sula, bashkëshort i shefes së (mos)hapjes së dosjeve të ish-sigurimit; dhe Redi Peza (Merepeza), kushëri i Blendi Fevziut e trashëgimtar-bashkëpronar tokash në Tiranë.
Sipërfaqen 55 000 m2 det në Lalz, pasi e ka kategorizuar qëllimisht si “tokë djerrë e pa leverdi për shtetin”, Rama ua ka shitur me vlerë totale 59 565 000 lekë të reja; që sipas llogarisë rezulton me 10 Euro/m2, kur sipas ligjit vetëm mund ta jap me qira në përdorim dhe jo për ndërtime betoni.
Për të fshehur emrin e oligarkut Gentian Sula, kryeministri Rama nuk e ka dhënë me logon e firmës “Agi Kons shpk” të 105 milionë Euro PPP e tendera; por me logon e firmës “S&D INVEST” po në pronësi të Gentian Sulajt, që administron pallatet te “Kodra e Diellit”.
Ndërsa ortakërinë e Blendi Fevziut në këtë biznes ndërtimi në Lalëz; Edi Rama e ka maskuar pas firmës “Sviluppo Mare-1” në pronësi të Redi Peza, kushëri e bashkë-ortak tokash me Fevziun.
Në shkelje të plotë të ligjit, në VKM dhe kontratën e shitjes datë 19 maj 2021 mes ministres Anila Denaj dhe blerësve Gentian Sula e Redi Peza (Merepeza), nuk publikohet objekti se përse do përdoret kjo tokë në zonën bregdetare të Lalzit, por vetëm thuhet “Projekt rilindje urbane”.
Mirëpo burime konfidenciale nga ministria e Financa-Ekonomisë, kanë bërë të ditur për “Pamfleti”, se mbi këto 55 000 m2 tokë të shitur me 10 Euro/m2, oligarku Getian Sula dhe Redi Peza (Merepeza), kushëri i Blendi Fevziut, do të ndërtojnë kompleks pallatesh 7 kate.
Skenari i Ramës për të grabitur tokën në Lalz, konfirmohet me këtë fakt: Vendimi i qeverisë për shitjen e tokës është i datës 19.05.2021, ndërsa leja e ndërtimit për kompleksin është dhënë po nga Rama në KKT, qysh më 16 qershor 2020 (Leje Nr. 16).
Faktikisht, pagesën e kanë bërë më 18 mars 2021, ose 2 muaj para miratimit të vendimit të qeverisë, që do të thotë se blerësit e çmimi i shitjes së tokës në Lalz, kanë qenë të paracaktuar.
Kujtojmë, se firma “Sviluppo Mare 1 shpk” e kushëririt të Fevziut, që është blerës i kësaj tokë dhe ortak në ndërtimin e kompleksit 55 mijë m2 me pallate 7 kate në Lalz; ka vetmë 70 mijë lekë kapital, ndërsa firma hije “S&D Invest” e oligarkut Gentian Sula ka kapital 30 milionë lekë.
Këto 30 milionë e 70 mijë lekë, janë kapitale të deklaruara në tatime deri më 28 maj 2021; prandaj është detyrë e Anti-krimit Financiar të Drejtorisë së Policisë Durrës nëse e lejon drejtori Lorenc Shehu; që të hetojë se nga cilët burime do dalin miliona Euro, për të ndërtuar kompleksin 55 mijë m2 me pallate 7 kat në bregdetin Lalz./Pamfleti
