Ka reaguar sërish avokati Spartak Ngjela pas vendosjes së memorialit në Kodrat e Liqenit në Tiranë, për viktimat e mbetur nga grushti i shtetit i bërë në Turqi.
Sipas tij, ky veprim nga shteti jonë në nder të viktimave është një veprim i turpshëm që duhet të zhbëhet menjëherë.
Me anë të një reagimi në Facebook, Ngjela publikon videon e aktivistëve që protestojnë kundër memorialit, duke e cilësuar si “turpi historik”.
Po kjo nuk është hera e parë, pasi Ngjela ka reagur edhe më parë me po të njëjtën ashpërsi. Më herët Ngjela kërkoi përgjigje nga kryeministri Edi Rama për arsyen e vendosjes së këtij memoriali, ndërsa shtoi më tej se nëse nuk ka një përgjigje, atëherë pas kësaj fshihet një marrëveshje sekrete.