Një koleksion special i frymëzuar nga letrat tarot dhe simbole të misticizmit. Marka luksoze Dior prezantoi stilimet e fundit, në eventin vjetor “Haute couture” të Parisit, në një moment kur pandemia e koronavirusit ka paralizuar industrinë e modës globalisht.
Koleksioni i ri i markës luksoze “Christian Dior” është frymëzuar nga letrat tarot. Stilimet unike, pjesë e edicionit special vjetor, Haute Couture të Parisit, kanë në qendër shenjat e zodiakut dhe simbole të misticizmit.
Shfaqja në internet nisi me prezantimin e një videoje, ku modelet e zbukuruara si shenjat astrologjike gjendeshin në një kështjellë zanash.
Stilistja e Dior Maria Grazia Chiuri siguroi shkëlqim dhe ar me fustane që kombinonin pëlhurën e lehtë me atë kadife.
“Mund t’ju ndihmojnë të mos keni frikë nga diçka që nuk e dini, kjo situatë është kaq e pasigurt”, tha Chiuri për referencat tarot në një intervistë. Kartat përdoren shpesh për të treguar pasuri, një temë e eksploruar në filmin Dior, drejtuar nga italiani Matteo Garrone.
Siluetat me bel, mantelet dhe pelerina të përshtatshme për mbretërinë mesjetare, ishin zbukuruar tërësisht me lule të krijuara nga pendët. Ky motiv është një referencë e përsëritur për Dior.
Chiuri tha se dëshira e saj për të eksploruar magjinë lidhet me qetësimin që ofrojnë letrat tarot pas një viti përballje me pandeminë e koronavirusit, e cila ka shkatërruar jetën dhe industritë globalisht.
“Ne u përpoqëm ta bëjmë më të mirën edhe për zinxhirin e furnizimit. Ne duhet të mbajmë traditën e qëndisjes në Paris,” tha Chiuri.
Markat të tjera luksoze si Chanel gjithashtu do të prezantojnë koleksionet e tyre të Haute Couture në internet për shkak të krizës së Covid 19.
