Sadri Abazi dhe Erion Veliaj pranojnë të shkojnë në burg dhe nuk heqin dorë nga pazari i tenderit të pastrimit, bëhen letrat për të nxjerrë fitues nipin e deputetit ende pa u mbyll tenderi, PD dhe mediat e kapura nga politika heshtin, SPAK asnjë lëvizje për të ndaluar vjedhjen e radhës, llokma e dytë është bërë gati për Çim Fushën
Pazari është mbyllur. Me rrezikun e prangosjes nga SPAK, Erion Veliaj ka bërë gati letrat, për t’i dhënë Sadri Abazit 8 miliardë lekë nga paratë e shqiptarëve, gjatë ditëve të para të muajt shkurt. Bëhet fjalë për një nga katër tenderat për pastrimin e Tiranës deri në vitin 2024.
Si gjithmonë, pastrimi i Tiranës është ndarë në katër pjesë, ku dy ‘llokmat’ kryesore janë paracaktuar për Sadri Abazin dhe Çim Fushën, dy klientët kryesorë të Erion Veliajt.
“Pamfleti” ka paralajmëruar finalizimin e pazarit që në dhjetor të vitit 2020. Gara e shpallur nga Erion Veliaj që në 1 dhjetor të vitit 2011, është thjeshtë një mashtrim, pasi fituesit janë paracaktuar me kohë, madje është dhënë edhe kapari. Fondi limit për të katër zonat është rrethe 27 milionë euro, kur gjysmën e kësaj shume do ta marrin Sadri Abazi, përmes nipit të tij, Arbër Abazi dhe Çim Fusha.
Sipas burimeve, aktualisht, në Bashkinë e Tiranës po bëhen letrat që Sadriu, një nga deputetët më mediokër dhe grabitqar që ka njohur Shqipëria, të marrë zonën III, por me denoncimin nga ana e “Pamfleti”-t të kësaj afere në kohë dhe nga frika e zgjimit të vëmendjes së organeve të drejtësisë, Sadriu mund të marrë një zonë tjetër.
Një gjë është e sigurt: Veliaj dhe Sadriu janë gati të shkojnë në burg dhe nuk heqin dorë nga vjedhja e ¼ së 27 milionë USD. Letrat për të marrë Shkëlqim Fusha një nga zonat e tjera po bëhen gjithashtu nga bashkëpunëtorët e Veliaj.
Në datën 18 janar ishte afati i fundit të dorëzimit të ofertave. Sipas burimeve, meqenëse fituesi është paracaktuar, oferta e nipit të Sadriut është pothuajse sa fondi limit, pasi konkurrentët e tjerë do të skualifikohen me çdo kusht.
Komisioni i Vlerësimit të Ofertave, anëtarët të cilit janë për burg, kanë marrë urdhër që oferta e nipit të Sadriut, të shpallet me çdo kusht e suksesshme. Gjithashtu, Sadriu ka bërë pazar me kompanitë e tjera pjesëmarrëse që të mos bëjnë ankimim në Komisionin e Prokurimit Publik, tek i cili janë ushtarët e Ramës, pasi gjithçka është e kotë dhe e mbaruar. Kompania e nipit të Sadriut do të ndihmojë kompanitë që po marrin pjesë sa për fasadë në këtë tender, duke u bërë pjesë e fasadës kur ato të jenë paracaktuar në tendera të tjerë. I gjithë procesi është montuar dhe paracaktuar nga Erion Veliaj dhe Sadri Abazi, i cili tashmë i duhet Bablokut për të mbledhur vota.
Në ditët e para të muajit shkurt, Bashkia e Tiranës, përmes Agjencisë së Prokurimit Publik, do të shpallë kompaninë e nipit të Sadri Abazit, “Alko-Impex General Construcion SHPK”, fituese të tenderit për pastrimin e Tiranës.
Këto të dhëna janë një provë dhe sfidë për SPAK, nëse do ta prishë këtë pazar dhe të ndalojë vjedhjen e parave publike. Deri më tani, nuk ka asnjë lëvizje për të ndaluar vjedhjen. Komprometuese është edhe heshtja e Partisë Demokratike, krerët e të cilës janë blerë nga Sadri Abazi. E kuptueshme është edhe heshtja e mediave të kontrolluara nga Edi Rama, Basha, Berisha, Meta dhe Monika./Pamfleti
