Menjëherë pas emërimit si President i SHBA, Joe Biden ka vendosur që të rishikojë ligjin për emigracionin. CNN shkruan se ajo që po mendon Biden të bëjë ka një rëndësi simbolike.
Projekt-ligji i propozuar i Biden, nëse miratohet, parashikon që të heqë nga ligjet amerikane fjalën ‘i huaj’ duke e zëvendësuar atë me termin ‘joshtetas’.
Është një hap i qëllimshëm që synon të njohë Amerikën si “një komb emigrantësh”, sipas një përmbledhjeje të projekt-ligjit të lëshuar nga administrata e re.
Termi “i huaj i paligjshëm”, i deklaruar prej kohësh si një term dehumanizues nga mbrojtësit e të drejtave të emigrantëve, u bë edhe më i fortë gjatë kohën kur udhëhiqte Trump.
Kujtojmë se termi “i huaj” shpesh thirrej nga Presidenti Trump në fjalime, ndërsa paralajmëronte për ato që i shihte si rreziqet e emigracionit të paligjshëm, të pakontrolluar. Duke folur në kufirin me Meksikën javën e kaluar në një nga fjalimet e tij të fundit si president, Trump e përdori termin të paktën pesë herë.
