Një rast tërësisht i çuditshëm është publikuar në mediat e huaja. Lacio ka paguar gabimisht Sportingun e Lisbonës me shumën prej 11 milionë euro në vend të Bragës për futbollistin Pedro Neto.
Habi më të madhe ka shkaktuar justifikimi i klubit bardhekaltër, i cili shton se ka ngatërruar llogarinë e Bragës për shkak të fjalës “Sporting”, pasi dhe Braga në emërtimin e saj të plotë quhet “Sporting de Braga”.
Pagesa është bërë me dy këste në korrik 2018 dhe mars 2019. Nga ana tjetër, Braga këmbëngul se është paguar vetëm 9.5 milionë euro për lojtarin portugez Pedro Neto, jo 17 milionë euro siç parashikohej.
Në verën e 2017, mesfushori i krahut Neto kaloi te Lacio në formë huazimi për 2 vite. Klubi i Bragës vendosi më pas që të drejtat financiare të 20-vjeçarit t’i lihen klubit italian.
Më pas, klubi bardhekaltër e shiti portugezin e ri te Volves në kampionatin anglez. Historia ka befasuar Bragën dhe pritet që çështja të marrë rrugën ligjore në UEFA dhe FIFA.
