Mësuesi shtrihet në tokë, pranë një nxënësi me sindromën Down, për ta ngushëlluar në një ditë të vështirë.
Duke qenë se kemi përjetuar eksperienca dhe dimë më shumë për jetën e njerëzve, nuk habitemi kollaj, por ka gjëra që na trishtojnë, sidomos njerëzit që ndodhen në kushte të veçanta, si djaloshi LJ Compton, për të cilin do ju flasim sot.
LJ është një fëmijë 8 vjeçar, me sindromën Down i cili ka edhe spektrin autik. Nga natyrë është shumë më i ndjeshëm se bashkëmoshatarët e tij, ndaj mund të preket lehtë edhe nga gjëra të zakonshme.
Fatmirësisht, nuk i kalon vetëm ditët e vështira, sepse ka gjetur një mik të mirë siç është mësuesi.
Disa ditë më parë, autobusi i tij erdhi me vonesë. Nëna e djalit, Stephane preferon që i biri të shkojë me autobus në shkollë edhe pse është më larg nga shtëpia e saj, kjo për shkak se trajtohet shumë mirë nga stafi.
Atë ditë, LJ, që është gjithnjë i lumtur dhe i buzëqeshur, thithi energjitë e shqetësimit dhe çrregullimit, për shkak të vonesës së autobusit dhe shumë shpejt pati një krizë. Stephane nuk ishte vërdallë për ta ndihmuar, por mësuesi i tij ishte aty dhe bëri një punë të shkëlqyer.
John Smith, professor dhe zëvendës drejtor i shkollës, u shtri në dysheme pranë LJ dhe qëndroi aty, duke e qetësuar e duke folur me të derisa ai u ndje mirë dhe u ngrit për të vazhduar me ditën.
Stephane nuk mori vesh çfarë ndodhi derisa pa një foto të skenës të publikuar nga student Amber McKinniss në Facebook, me komentin: “Më duhet ta bëja atë foto. Ishte gjëja më e pabesueshme që kisha parë ndonjëherë!”
Fotografia u bë menjëherë virale në rrjet, duke arritur në shumë njerëz që u prekën dhe u frymëzuan nga sjellja e mësuesit.
Nxënësit e shkollave nga i gjithë vendi shkruan komente me lavdërime për John dhe punën e tij:
“Mr. Smith është një nga mësuesit e mi të preferuar. E admiroj.”
“Mr. Smith është mësuesi më i mirë!”
“Sa djalë i mbarë!” ishin disa nga komentet e lëna nga nxënësit.
Stephane ishte tej mase mirënjohëse për sjelljen e John dhe deklaroi:
“Është vërtet e pabesueshme nga këndvështrimi i prindërve që ka njerëz që kanë përzemër fëmijët e tyre”, ka thënë ajo.
John u tregua një profesionist I vërtetë dhe me siguri ka fituar respektin dhe admirimin jo vetëm të Stephane, por të shumë prindërve të tjerë.
Sjellje të tilla janë stimuluese dhe meritojnë të shpërndahen.
