ONM-SHBA, duhet të jenë edhe në dijeni të faktit, se vendimi më 12 janar 2020, do jepet nga treshja Sanxhaktari-Ilia-Pine, trupë gjykuese e komisionit të KPK, të njohur si sekserë pazaresh të bashkëshortit të saj, gjyqtar milioner Gerd Hoxha mik i bosëve të krimit e korrupsonit; ndërkohë që në “CV” e gjyqtares Lluri, është vendimi në favor të gruas së Gjin Gjonit për dyqanet në Rinas, lirimi i drejtorit të AKBN Klodian Gradeci e shumë zullume tjera me vendime për bizneset, pronat, trojet dhe grupe kriminale e trafiqesh
Krejt në heshtje, më 7 janar 2021, Komisioni i Pavarur i Kualifikimit (KPKK), thirri në seancë rivlerësimi, gjyqtaren e Apelit Tiranë, Elbana Lluri, për të cilën, në shkelje të plotë të ligjit, nuk është publikuar asnjë informacion paraprak për të dhënat e hetimit.
Nuk është “harresë”, por marifet i trupës së KPK, treshes Valbona Sanxhaktari, Roland Ilia e Xhensila Pine, për të fshehur të vërtetat e zbuluara nga aktiviteti 15 vjeçar, i gjyqtares Elbana Lluri në gjykatën e Faktit e të Apelit Tiranë.
Vendimi për këtë gjyqtare, do të jepet në datën 12 janar 2021, ku trupa vlerësuese do të shprehet, nëse gjyqtarja “lavatriçe” e grupit Meta-Berisha, do përjashtohet apo jo nga drejtësia.
Sipas të dhënave konfidenciale, rezulton se raporti i KPK, ka shumë “njolla” financiare e pasurore për gjyqtaren Elbana Lluri dhe bashkëshortin e saj po gjyqtar në Tiranë, Gerd Hoxha; të cilët para 1 viti, për shkak të frikës nga “Veting”-u, kanë bërë divorc fiktiv në letra.
Tre rastet tipike që provojnë korrupsionin dhe mashtrimin pasuror janë:
– Pas 6 vitesh punë gjyqtare, më mars 2011, ka blerë 1 apartament të mobiluar në qëndër të Tiranës (Bllok) me sipërfaqe 125 m2 e vlerë 6.5 milionë lekë të reja; ndërsa në muajin dhjetor 2011, apartamenti u vlerësua me çmim 23 milionë e 750 lekë të reja.
– Në vitin 2016 ka blerë 1 apartament në Lungomaren e Vlorës, me sipërfaqe 126.5 m2+verandë, me çmim 55 452 Euro dhe 100% e mobiluar; kur sipas hetimit të KPK, vetëm gjendja e tij karabina në atë vit, kushtonte edhe 15 mijë Euro më tepër se vlera e blerjes.
– Në vitin 2009, gjyqtarja Lluri, deklaron se ka marrë 25 mijë Euro hua nga kursimet e prindërve të saj pensionistë; ndërkohë që po sipas deklarimeve, pensionet e tyre mujore në atë kohë, kanë qenë 10 500 lekë e 7000 lekë në muaj.
Në skedën e tyre ka dhe pasuri të tjera të pa deklaruara në Durrës, Sarandë, Vlorë, ka lojëra me transaksione e gjoja kursime, ndërsa kanë bërë pazare dhe me shit-blëerje makinash, pa harruar një kredi 5 milionë lekë në vitin 2007, dhënë si i “pa strehë” nga qeveria “Berisha”.
Skeda e pasurisë së madhe të paluajtshme e depozita bankare, të vëna gjatë 9 viteve martesë, kur deri në muajin dhjetor 2010 ishin të dy vetëm me pagën mujore, është një nga provat që e shkarkojnë gjyqtaren Elbana Lluri.
Por, veç kësaj prove, zullume të tjera për cënim integriteti e favore ndaj krimit e korrupsionit, ka Raporti Sekret Nr. 12217, datë 02.11.2017 i DSIK, për gjyqtaren Elbana Lluri; dhe Raporti Sekret Nr. 11873 datë 31.10.2017 i DSIK, për bashkëshortin e saj Gerd Hoxha, gjatë detyrës gjyqtar, Kryetar i Shoqatës së Gjyqtarëve dhe Anëtar i KLD në vitet e “xhunglës” Nishani-Meta.
Për të shmangur këto prova, të pasurisë me burimin dhe veprimtarinë e paligjshme të gjyqtares Elbana Lluri; janë hedhur në “sulm” shefat e saj politik e familjar, Ilir Meta e Sali Berisha, për ta shpëtuar nga shkarkimi dhe përjashtimi prej drejtësisë.
KUJTESË për ONM-SHBA/ Gjyqtarja Elbana Lluri është “kamikazja” e përdorur nga Gjin Gjoni, për të përzënë nga Shqipëria kompaninë amerikanë ICDF, me lënien në fuqi të kontratës false, të gruas së Gjin Gjonit për dyqanet “Duty Free” në Rinas.
Ndërsa në vitin 2010, kjo gjyqtare e ndihmoi po gruan e Gjin Gjonit me dyqanet “Duty Free” në Rinas, duke përzenë nga Shqipëria, firmën gjermane “Gebr. Heinemann KG”, e cila ishte 70% ortake me Elona Çaushin e Gjin Gjonit në Rinas, madje edhe e gjobiti me 345 mijë Euro.
PYETJE/ – A do ta kalojë “Veting”-un me 12 janar, gjyqtarja “KÇK” Elbana Lluri, me gjithë këtë ‘llum” antiligjor që ka në punën e saj si gjyqtare Fakti e Apeli në Tiranë?
Është gjyqtarja, që edhe më 11 nëntor 2020, me vendim tipik në favor të korrupsionit, liroi nga burgu ish-drejtorin e AKBN, Klodian Gradeci, paçka se kishte firmosur vjedhjen 2 milionë Euro, me fatura false për punë të pakryera në puset e naftës./Pamfleti
