Në kuadër të 76-vjetorit të çlirimit të Tiranës, Presidenti i Republikës Ilir Meta zhvilloi sot homazhe pranë monumentit të Ushtarit të Panjohur! Në një prononcim për mediat Meta tha se çlirimi i Tiranës ishte mjaft i rëndësishëm, pasi siç u shpreh ai i dha legjitimitet luftës antifashiste Kreu i Shtetit nuk kurseu as mesazhet politike, ndërsa u shpreh se kjo ditë duhet të na shërbejë si një ditë reflektimi.
“Është e rëndësishme që mbi të gjitha të punojmë për të çuar deri në fund amanetet e tyre për një Shqipëri demokratike, të lirë, për një Shqipëri që i jep fund largimit dhe shpopullimit nga ky vend.
Sot është një ditë reflektimi për të bërë shumë më tepër se deri tani që Shqipëria mos ta humbasë drejtimin evropian. Jemi në prag të lëvizjes së dhjetorit e cila solli një faqe të re në historinë e Shqipërisë
Pas 30 vitesh ka ardhur koha për një angazhim tjetër, jo thjesht ta duam, por ta bëjmë Shqipërinë si Evropa. Unë besoj se të gjithë bashkë do t’ia dalim për të rikthyer shpresën”, tha ndër të tjera Meta.
