Përfundon ndeshja e javës së 10 në Premier Ligë. Mançester Junajtid ka fituar me një përmbysje të çmendur ndaj Sauthempton, teksa ka fituar me rezultatin 2-3 në fushën e këtyre të fundit. Shenjtorët ndëshkuan “Djajtë e Kuq” në minutën e 23 me një gol të Bednarek, pas një goditje nga këndi.
10 minuta më vonë ishte sërish Sauthempton që realizoi dyfishoi rezultatin, ndërsa në minutën e 60, Mançester Junajtid ngushtoi diferencënn me Bruno Fernandes. Kavani e gjeti mjaft mirë në zonë dhe portugezi nuk gaboi.
Në minutën e 74, djemtë e Solskjaer barazuan shifrat me Kavanin. Uruguiani gjeti rrjetën e parë në Premier Ligë. Fernandes futi një top drejt zonës dhe sulmuesi u zhyt mirë me kokë.
Goli i tretë dhe final i ndeshjes u shënua në minutën e 92. Rashford krosoi drejt zonës, ndërsa “El Matador” nuk fali.
Me këtë fitore, Mançester Junajtid ngjitet në vendin e 7 me 16 pikë, ndërsa Sauthempton mban vendin e 5 me 17 pikë.
Në ndeshjen e javës së 9, Milani ka arritur një fitore të rëndësishme kundër Fiorentinës me rezultatin e pastër 2-0. Kuqezinjtë zhbllokuan rezultatin në minutën e 18 me Alesio Romanjolin, që me kokë në goditjen e këndit dërgoi në rrjetë topin e ardhur nga devijimi i Kesi. Për kapitenin, ky është goli i parë këtë sezon dhe u ndodh në vendin e duhur.
Në minutën e 27, Milani dyfishoi shifrat me Kesi. Një penallti e fituar nga Saelemaekers, që u pengua nga pas, u shndërrua në gol nga futbollisti i Bregut të Fildishtë, ndërsa 5 minuta nga fundi i pjesës së parë, ekipi i Piolit, pati rastin e mirë për të 3-fishuar rezultatin, por Kesi humbi 11-metërshin.
Me këtë fitore, Milani mban të paprekur vendin e pare, ku kryeson me 23 pikë, ndërsa Fiorentina renditet në vendin e 16 me 8 pikë.
