Mirabelli flet për periudhën e kaluar te Milani: Ju tregoj pendesën time të vetme nga aventura kuqezi!

Massimiliano Mirabelli rikthehet të flasë për Milanin. Ish-drejtori sportiv dhe teknik i klubit kuqezi, i ftuar në emisionin sportiv “Processo” të 7Gold, tregoi deri në detaje aventurën e tij me “i Rossoneri”, e cila përfundoi në korrik pas shkarkimit.

“Kanë qenë 15 muaj pune të vështirë. Milani ishte një eksperiencë me të vërtetë e bukur. Jam i nderuar dhe krenar që kam qenë pjesë e historisë së këtij klubi të madh, megjithëse për një kohë mjaft të shkurtër.

Pasi u pyet “për çfarë pendohet që bëri te Milani”, Mirabelli u përgjigj “Për fat të keq pata në mendje për të bashkuar vëllezërit Donnarumma. Pastaj për mënyrën se si shkoi, u pendova për këtë lëvizje nga ana ime.

Emri i Mirabelli është i lidhur pazgjidhshmërisht me atë të Rino Gattuso, pasardhës i Montellës në stolin e “Djallit”: “Unë besoja tek ai. Rino, i cili është një kampion i madh, menjëherë harroi atë që ai kishte dhënë si lojtar dhe u kthye në lojë si një strateg. Në Milano ai u pa si grinta dhe forca e ekipit. Një nga më të mirët në botë. Është nënvlerësuar shumë. Pashë ndeshjet e Milanit dhe ekipi luante një futboll të bukur. Ai e ndryshoi Milanin nga e para. Ai është me të vërtetë i aftë. Ai mund të të mësojë futbollin dhe të bashkojë një ekip”.

Simboli i blerjeve së dyshes Fassone-Mirabelli ishte sigurisht Leonardo Bonucci, i cili u rikthye tek Juventus pas vetëm një viti te kuqezinjtë. “Bonucci ishte një njeri i madh si brenda dhe jashtë fushës. Një kampion i vërtetë, i pari që vjen dhe i fundit për kur vjen puna për t’u larguar. Për mua balanca çon përpara ekipin, por Bonucci nuk mundi ta bëjë atë. A e prisja që të qëndronte  vetëm një vit? Jo, ne bëmë atë që bëmë, sepse menduam se ai do ta mbyllte karrierën e tij në Milano “.

Mirabelli në Milano nuk ka gjetur një ambient të qetë: “Milan ka pasur vite të arta në të cilat arriti të ngjitej në “çatinë e botës”, por  4-5 vitet e fundit kanë qenë dështime të njëpasnjëshme. Ne nuk kemi gjetur një terren shumë “pjellor”, prandaj bëmë disa ndryshime që menduam se do ta rikthenin Milanin sërish në majat e futbollit.

Loading...

more recommended stories

error: Ndalohet ribotimi i artikullit! E drejta e autorit pamfleti.net.
WhatsApp Denonco tek Pamfleti