Majk dhe Blerta duket se po konsolidojnë marrëdhëniene tyre.
Për ta bërë më interesante lidhjen, Majk herë e ‘zhduk’ Blertën nga Instagrami e herë poston foto nga i njëjti vend me të. Disa foto ku ai dhe Miss Kosova, Blerta Veseli, i kanë publikuar nga i njëjti vend ngjallën kureshtje se dyshja mund të jenë në një lidhje dashurie e për t’i forcuar dyshimet u publikua një foto të cilën media të ndryshme aludojnë se e publikoi Majk nga llogaria e Blertës në Instagram.
Lidhur me këtë çështje ka folur edhe vetë reperi i cili ka mohuar gjithçka, mirëpo disa foto që po qarkullojnë sërish e thonë të kundërtën. Bazuar në disa foto të mëhershme të Majk, krahasuar me ato të tanishmet që janë publikuar në llogarinë e tij dhe Blertës, le të kuptohet se kjo është shtëpia e Majk dhe se Miss Kosova mbrëmjen e ka kaluar pikërisht në shtëpinë e reperit.
