Pavarësisht 13 rasteve me Covid-19 te skuadra holandeze për UEFA-n nuk ka asnjë dyshim: Napoli-AZ Alkmar do të luhet. Ekipi i ka mundësitë të plotësojë numrin e lojtarëve për të zbritur në fushë, pasi mund të afrojë në skuadër edhe lojtarë nga të rinjtë deri në vigjilje të sfidës.
Ky është pozicioni i UEFA-s i theksuar nga Armand Duka, anëtar i komitetit ekzekutiv, në një intervistë të radhës për mediat italiane:
“Nuk ka asnjë rrezik, kemi një protokoll të qartë i pranuar nga të gjithë federatat. Jemi në kontakt të vazhdueshëm me klubin holandez, UEFA nuk e merr në konsideratë shtyrjen e ndeshjes”, u shpreh Duka. Në fakt, po sipas mediave italiane, autoritet sanitare mund të ndërhyjnë, ashtu siç ndodhi edhe me sfidën Juve-Napoli, por një bllokadë e tillë nga autoritet lokale në këtë rast do të sillte një problem shumë madhor pasi në mes është UEFA.
