Oriola Marashi është një nga modelet më të ndjekura të showbizit shqiptar dhe jo vetëm. Ajo është mjaft aktive në rrjetet sociale ku ndan me ndjeksit momente pikante nga jeta e saj e përditshme.
Oriola shquhet për një stil tejet ekstaravagant dhe kjo gjë duket qartësisht në fotot e saj që ka publikuar në llogaritë e saj në rrjete sociale. Është e pamundur që çdo veprim i saj në rrjete sociale të mos marrë vemendje në media.
E njëjta gjë ka ndodhur së fundmi me një koment që ka bërë te një foto e moderatorit të njohur Ermal Mamaqi. Ky i fundit ka publikuar disa fotografi ku shfaqet duke ngenë makarona dhe ka një pyetje për ndjekësit e tij.
“A ma shpjegon dot njeri pse dalin të gjitha modelet me këto makaronat kështu. Më vdektë endritmertiri nuk e di pse”, shkruan Mamaqi krahas fotove.
Shumë personazhe të njohur të ekranit e kanë pëlqyer postimin e Ermalit, e madje kanë qeshur me lot. Por Oriola ka vendosur që të zbulojë se kush e ka inspiruar që të bëjë një foto duke ngrënë makarona. “Mua për vete më ka inspiruar Edi Rama”, përgjigjet Marashi, duke i habitur të gjithë me përgjigjen e saj.