Aktualitet17 Prill 2018, 12:16

Në Vlorë duan Kupën, jo “e lagu, se lagu” mes Duros e Veliut për shiritin e kapitenit

Shkruar nga Pamfleti

Në Vlorë duan Kupën, jo “e lagu, se lagu” mes Duros e Veliut për shiritin e kapitenit

Flamurtari nuk është e thënë të ketë qetësi, as këtë sezon ku pritshmëritë ishin shumë të mëdha. u bënë blerje të shumta në merkation e verës së kaluar dhe akoma më të bujshme në merkaton e dimrit. Erdhën lojtarë të sprovuar, emra të spikatur në treg, por që deri tani kanë rezultuar dështim i madh. Sidomos blerjet e janarit janë dështim spektakolar, pasi nuk kanë mundur të bëjnë diferencë dhe kanë lënë skuadrën në mëshirën e arbitrave, kur ndonjëri guxon të fërshëllejë sipas rregullores, në të kundërt “bilbilat” e kanë sakatuar Flamurtarin këtë edicion.

Nesër në Vlorë luhet gjysmëfinalja e kthimit ndaj Skënderbeut, ndeshje e vlefshme për Kupën e Shqipërisë. Vlonjatët kanë fituar në Korcë ndeshjen e parë me rezultatin 1-0, por nuk kanë siguri, për më tepër që Skënderbeu ka një superskuadër që mund ta përmbysë këtë avantazh.

Si të mos mjaftonin hallet me grupin, del në skenë një tjetër shqetësim, ai i shiritit të kapitenit. Para ndeshjes me Lushnjën trajneri Shpëtim Duro i ka kërkuar Franc Veliut të ishte kapiten skuadre, por mbrojtësi ka refuzuar. Për pasojë Duro e ka ulur në stol, duke mos e bërë pjesë formacioni. Lajmet janë kontradiktore, pasi tifozët janë ndarë, ca me Duron e ca me Veliun.


Për të rejat më të fundit behuni pjesë e grupit tonë VIRAL në facebook : PAMFLETI

Por shumica bien dakod në një gjë: ata duan nga ekipi i tyre kalimin në finale dhe mbylljen e sezonit me një trofe, në të kundërt rrezikojnë të mbyllin një edicion të dështuar fund e krye. Tensioni është shumë i madh, pasi tifozëve të thjeshtë vlonjatë nuk u duhen fjalët e bukura të trajnerit, as premtimet ekstra të administratorit Sinani e as sjellja e Veliut.

“E lagu, se lagu” është bërë në Vlorë normë e ditës, prandaj me të drejtë fansat kuqezi pyesin: Kur do ta shohin skuadrën e tyre të ngrejë një trofe lart? Në gjithë keta vite investim duhet të kishte ndodhur një dicka pozitive në këtë drejtim, përndryshe shprehja “fajin e ka Duka dhe arbitri” kthehet në shigjetë kundër vetvetes. Më mirë se kushdo tjetër këtë duhet ta ketë kuptuar administratori Sinan Idrizi dhe trajneri Shpëtim Duro.

Pa kupën e Shqipërisë sezoni ka dështuar dhe ankthi i tifozëve në këtë fundsezoni mund të shndërrohet në rebelim. Vlora e ka në gjak këtë, prandaj, para se të ndodhë rebelimi, ku tifozët t’i vënë përpara të gjithë, me administrator, trajner e lojtarë, është e mira që Flamurtari të mendojë seriozisht të shpëtojë sezonin me një trofe kupe.  /Pamfleti Sport

Kryesore