“PAMFLETI” e paralajmëroi këtë zullum të prokurorisë, qysh në datën 12 janar 2020/ Drejtësia e vjetër, është nën diktat e shërbim të përbashkët të Berishës, Ramës, Metës, Bashës e oligarkëve; prandaj këto dosje të rënda, duhen bllokuar e anuluar dhe duhen çuar në tavolinën e SPAK-BKH, si e vetmja garanci për drejtësi reale, mbasi është alarmante që dosja për vjedhjen 30 milionë euro tek Unaza e Re-OST, zhduket krimi e përjashtohet organizatori Bashkim Ulaj, ministri Gjiknuri dhe drejtorët Qëndro-Gradeci, të cilët në bashkëpunim me njeri-tjetrin, organizuan këtë vjedhje me letra false
Në datën 12 janar 2020, “Pamfleti” paralajmëroi lojën Rama-Berisha-Prokurori e Tiranës; për “pastrimin” e dosjes “Unaza e Re-OST”, si vazhdim i skemës së pa-ndëshkueshmërisë; ku kemi përmendur faktin, se KLP dhe Prokuroria e Përgjithshme, nuk lejojnë tranferimin e kësaj dosjeje në SPAK.
Në shkrimin tonë, kemi thënë se nga dosja penale, janë përjashtuar ministri Gjiknuri, drejtori Qëndro i ARRSH, drejtori Gradeci i OST dhe Bashkim Ulaj; duke lënë si “autor”, vetëm Avdjol Dobin, të cilin Ulaj e kishte regjistruar administrator të firmës fantazmë “D.H Albania”.
Ky paralajmërim, u vërtetua në datën 24 janar 2020, kur Gjykata e Tiranës, njoftoi se Prokuria e Tiranës kishte çuar për gjykim, dosjen “Unaza e Re-OST”, me të akuzuar vetëm “çerrin” Avdjol Dobi, por jo ish-ministrin Gjiknuri, që urdhëroi pranimin e letrave false të “D.H Albania” (Ulaj).
Në dosjen për gjykim, mungojnë edhe e drejtorët Qendro e Gradeci të ARRSH-OST, të cilët plotësuan dosjet e tenderëve 30 milionë euro; duke specifikuar se letrat false norteriale-financiare, të dorëzuara nga firma fantazmë “D.H Albania”; gjoja ishin verifikuar zyrtarisht, nga lëshuesit në SHBA e në QKB-Tiranë dhe ishin “të sakta”.
Nuk është aspak çudi, që edhe i vetmi i akuzuar “Për falsifikim formularësh”, Avdjol Dobi; prej 1 viti i fshehur nga Rama-Ulaj, të ndëshkohet me “300 mijë lekë gjobë”, siç e parashikon akuza aktuale; ndërkohë që i janë hequr 2 akuzat e tjera “Falsifikim ndërkombëtar, me pasojë mashtrim të institucioneve, për përfitime financiare në vlera të mëdha” dhe “Pastrim të produkteve të veprës penale, në grup të organizuar shtetëror”.
Sipas Kodit Penal, dosja Unaza e Re-OST, klasifikohet ”Krim i rëndë” për dy arsye: Si përmbajtje vepre penale; dhe si autorësi e veprës penale, me ministër e drejtorë qendor shtetrorë.
Por siç parlajmëroi “Pamfleti” 13 ditë më parë, Arta Marku, Donika Prela e bashkë me to, kreu i KLP, Gent Ibrahimaj; e cilësuan këtë dosje si “Krim të lehtë” dhe ashtu e cuan për gjykim; me akuzën: “Falsifkim formulari në tender”, që realisht përbën kundravajtje administrative dhe dënohet me 103 përjashtim nga pjesëmarrja në tendera.
Zhdukja e krimit Unaza e Re-OST, me autorë vetë shefat e pushtetit dhe oligark trafikantin Bashkim Ulaj; është “ballo” e radhës e çiftit “Bandë politike-Bandë drejtësie”, për pa-ndëshkueshmëri në nivele të larta.
Ndaj nuk është aspak çudi, kur dëgjon lojëra të tilla mes bandave PS-PD-LSI:
– Vetëm 10 minuta pas pushimit të dosjes “Basha-Lobimi Rus”, Taulant Balla u betua se do ta conte dosjen në SPAK.
– Asnjë zyrtar “anti-korrupsion” i LSI; nuk po thotë asnjë fjalë, për dosjet “Lobimi Rus, CEZ dhe Unaza e Re-OST”.
– Pas lirimit të grupit “Toyta Yaris” të arrestuar për trafikim të 3.5 milionë euro; nuk folën as Basha si akuzues dhe as Balla si i akuzuar.
– Pas transferimit të dosjes “Dibra-184”, Taulant Balla nuk tha asnjë fjalë; ndërsa pas pushimit të çështjes “CEZ-DIA”, Balla tha se do ta çojë në SPAK.
– Kanë kaluar 24 orë pas njoftimit se dosja “Unaza e re-OST” ka të akuzuar vetëm “bedelin” Avdjo Dobi; por Taulant Ballad he as Lulzim Basha nuk po betohen për ta çuar në SPAK.
FAKT/ Para 3 ditësh e në vazhdim, redaksia “Pamfleti”, po denoncon skandalin e rëndë shtetëror, të kryeministrit Edi Rama dhe kryebashkiakut Erjon Veliaj; të cilët i kanë dhënë trafikantit ndërkombëtar të kokainës, Ervin Luan Mata, leje ndërtimi për kullë 93 metër të lartë në qendër të Tiranës e mbi truall shtetëror, të vjedhur me falsifikim dosje pronësie./Pamfleti
LEXONI/ Paralajmërimi i bërë nga “PAMFLETI”, në datën 12 janar 2020, për lojën me dosjen kriminale qeveritare “Unaza e Re-OST”: http://pamfleti.net/klp-ndalon-spak-un-te-rihetoje-dosjen-unaza-e-re-ost-dhe-dosjen-dibra-184/
