Vazhdojnë akuzat e Spartak Ngjelës ndaj përfaqësuesve të politikës së lartë, duke i bërë ata përgjegjës për masakrën e ndërtimeve në Shqipëri për shkak të lejeve të pakontrolluara të ndërtimit dhe mungesës së kontrollit të standarteve të ndërtimit.
Avokati i njohur Spartak Ngjela tha se qeveria është e lidhur me mafian dhe si shpërblim i jep leje ndërtimi në zonat ku nuk lejohet të ndërtohet, ndërsa përmend emrin e presidentit Ilir Meta si i implikuar.
“Presidenti Ilir Meta implikohet me këto. Sot doli Meta tha të mbyllet çështja, nuk mbyllet kjo. Ndërkombëtarët mendonin se do ta prishnin me Reformën në Drejtësi.” – tha Ngjela.
Më herët Ngjela ka sulmuar edhe Prokurorinë duke u shprehur se duhet të ndërhyjë dhe të ndalojë prishjen e godinave të shkatërruara nga tërmeti, sepse sipas tij po fshihen gjurmët.
