Në një prononcim të tillë, kaq të cekët dhe kaq të pavlefshëm në lidhje në këtë çështje, shoh thjesht demagogjine e lodhur elektorale të radhes dhe çeshtjen e pronave në kalendat greke.
Shkruan Romeo Kara
Këtë aftësi e ka patur karakteristikë dikur Nano, aq sa u bë edhe objekt humori.
Nuk përcaktohet nga kandidati për kryeminister as gabimi i mëparëshëm, apo më mirë abuzimi i pushteteve të ketyre 30-viteve lidhur me pronën, dhe as zgjidhja që do të ofroje ky kandidat.
Qasja ndaj problemit dhe konceptit pronë, është një qasje nga e cila realisht varet siguria juridike e mëtejshme e vendit, e cila është dëmtuar maksimalisht deri më tani.
Pikërisht siguria juridike lidhur me pronën, do të sjelle jo vetëm sigurinë sociale por edhe sigurinë e munguar në investime.
Çfarë kanë bërë konkretisht dy partitë e mëdha dhe liderët e tyre lidhur me pronat deri më tani? Masakër dhe abuzime që tejkalojnë edhe fantazinë, përpjekje për t’a vonuar në përjetësi kthimin e pronës tek pronari dhe uzurpim i saj me çdo mënyrë, qeveritarë, gjyqësore apo kriminale.
Çfarë duhet realisht si zgjidhje? Çdo pronë t’i kthehet pronarit të ligjshem dhe uzurpuesit e saj t’i çohen drejtësisë dhe të paguajnë kostot e asaj që kanë bërë.
A mund të pranohet ndjesa e kandidatit për kryeminister lidhur me problemin e pronave nëse ai:
nuk dënon ata ish-deputete të partise se tij që kanë propozuar dhe miratuar këto ligje të padrejta në lidhje me pronat?Nëse ai nuk denon ata nenpunes qe për kaq e kaq vite abuzuan në lidhje me kthimin e pronave?Nëse nuk parashikohet nje kuader i ri ligjor qe mund të zhbeje masakren lidhur me pronat?Nëse nuk goditen hapur në opinionin publik pikerisht ata qe perfituan nga kjo politike kriminale ndaj prones?Në nje prononcim të tille, kaq te ceket dhe kaq të pavlefshem në lidhje në kete ceshtje, shoh thjesht demagogjine e lodhur elektorale të radhes dhe ceshtjen e pronave në kalendat greke.
