Malli për djalin e vogël që kishte kohë pa e parë është kthyer në sebep për sherrin me 6 të plagosur në Peshkopi një natë më parë. Fillimisht ka nisur një konflikt verbal mes anëtarëve të dy familjeve të cilat kanë pasur marrdhënie krushqie me njëra-tjetrën, por që kohët e fundit çifti që kishte edhe djalin ishin ndarë.
Ngjarja e pazakontë ka ndodhur në qendër të qytetit të Peshkopisë, ku mes dy grupeve me nga 3 persona ka nisur një përleshje fizike ku nuk kanë munguar sendet e forta dhe armët e ftohta. Menjëherë kalimtarë të çastit kanë tentuar që ti ndajnë, por është dashur ndërhyrja e policisë, e cila i ka shoqruar të konfiktuarit në spitalin e Peshkopisë.
Por edhe në ambjentet e sipitalit, personat e përfshirë në sherrin e parë janë përleshur fizikisht edhe në ambjentet e spitalit, ndërkohë që me trupa të shtuar, policia ka qetësuar situatën. Blutë e Dibrës po punojnë për sqarimin e situatës, ndërkohë që pas mjekimit të marrë për personat e plagosur, policia i ka shoqëruar ata në komisariat për të vijuar procedurat e mëtejshme.
Loading ...
