Ekonomia shqiptare nuk do ta ketë të lehtë rimëkëmbjen nga ky stop kaq I zgjatur i të gjithë aktiviteteve më të rëndësishme të biznesit dhe jo vetëm.
Paketa e qeverisë, te paktën me sa është publikuar deri tani, e ka të pamundur mbulimin e këtij dëmi ekonomik dhe aq më pak ndihmat, që po vijnë nga jashtë, që përtej dëshirës së mirë, nuk mund të mjaftojnë.
Analisti Frrok Çupi tha se roli i opozitës në këto kohë ku mbarë vendi është “mbërthyer” nga virusi korona është që të kërkojë tek pjesëtarët e saj dhe tek qeveria aktuale, të gjithë pasurinë e vjedhur për këto 30 vite, duke filluar që nga floriri dhe përfunduar tek pallatet e vilat.
Ai shtoi se është momenti që i gjithë vendi të bëhet bashkë, i varfër apo i pasur qoftë, intelektual apo qytetar i thjeshtë, vetëm kështu, thotë Çupi, mund t’i bëjmë ballë kësaj të keqe që na kanoset.
“Padyshim nuk duhet lënë asgjë pa bërë, madje nëse do të pushojë sadopak situate e sëmundjes, unë do të doja të isha pak më radikal sesa opozita dhe opozita nuk po e thotë këtë gjë. Opozita duhet të kërkojë tek të vetët dhe tek qeveritarët aktualë, që të nxjerrin pasurinë e vjedhur. Kanë vjedhur pasuri prej 30 vjetësh. Kjo pasuri duhet të dalë, të vendoset në tavolinë, që nga floriri deri tek paratë e vjedhura kudo që janë. Askush nuk po dorëzon asnjë pallat të ndërtuar, asnjë vilë, asnjë gjë. Kjo pasuri duhet të thërritet, prandaj po lëshon rendi botëror. Rendi botëror kërkon që duhet të rikthehet pasuria.
Është fjala për një Spartë. Edhe Sparta kundër Athinës për shkak të virusit fitoi, sepse ra Athina. Domethënë është fjala për një shtet Sparte, për një shtet të fuqishëm ku të bëhen bashkë, jo vetëm opozita me mazhorancën, por çdo polic me shkollarin, çdo intelektual me punëtorin, çdo njeri me njeriun. Dhe të kthehen sepse të gjithë e dinë se ku është pasuria e vjedhur prej 30 vjetësh. Duhet të kthehet, ose të kthehet tani ose të mos të kthehet kurrë“, u shpreh Çupi.
Bota
