Dhënia e Çmimit Nobel për shkrimtarin austriak Peter Handke, që ndër të tjera ka mbrojtur figurën e Slobodan Millosheviç, ka bërë që një shumë politikanësh shqiptarë të reagojnë.
Kryeministri shqiptar Edi Rama ka qenë një ndër ta dhe është shprehur se kjo është një zgjedhje e turpshme e Akademisë Suedeze.
“Kurrë nuk kam menduar se do të ndjeja të vjella për shkak të Çmimit Nobel. Por paturpësia po bëhet pjesë normale e botës që jetojmë. Fituesi i çmimit Nobel për Letërsinë është një zgjedhje e turpshme e Akademisë Suedeze. Nuk mundet që të jemi kaq të mpirë ndaj racizmit dhe gjenocidit.” – shkruan Rama në Twitter.
Duket si një mbrojtje e që Rama i bën kombit shqiptar e popullit kosovar që ishin viktimat më të mëdhenj të genocidit serb nga “Kasapi i Ballkanit”, Sllobodan Millosheviç, por në fakt kjo është një hipokrizi e neveritshme.
Rama jo më larg se paraditja e sotme nënshkroi një marrëveshje me ish-ministrin e Millosheviçit, sot President i Serbisë, Aleksandër Vuçiç. Nënshkroi Shengenin Ballkanik, marrëveshje kjo ekonomike mes Serbisë, Shqipërisë e Maqedonisë së Veriut. Një shkelje syri për krijimin e një neo-Jugosllavie e një turp kombëtar pasi Kosova nuk është pjesë e saj, pikërisht për parimet dhe ndjenjat kombëtare. /Pamfleti