Humbja e Tiranës ndaj Kukësit mbrëmjen e djeshme ka bërë që të dyshohet edhe fitimi i titullit nga bardheblutë.
I ftuar në “Procesi SPortiv”, Redi Jupi deklaron se me paraqitjen e sotme të Tiranës, nuk do ishte befasi nëse djemtë e Egbo i humbasin të gjitha ndeshjet.
“Kampionati nuk është rihapur shumë, por gjendja e Tiranës me shumë mundësi i ka shqetësuar ata brenda klubit. Gjashtë pikë për katër ndeshje nuk janë asgjë, por me lojën e shfaqur nuk është çudi t’i humbasë të katërta ndeshjet.
Derbi i javës së ardhshme është një mundësi e mirë për të zhvilluar një ndeshje të nivelit të lartë pas pandemisë. Për Partizanin do ishte një mundësi shumë e mirë për të shpëtuar një sezon të tillë me një fitore në derbi”, u shpreh Jupi.
