Mbrëmjen e së dielës që lame pas u mbajt ndarja e përvitshme e çmimeve AMAs.
Një prej personazheve VIP që tërhoqi vëmendjen me vezullimin e saj ishte Paris Hilton, e cila ishte veshur me një fustan të shkurtër ngjyrë argjendi, me temina, me mëngë të gjata dhe me dekolte të hapur.
Kjo veshje e realizuar deri në detajin më të vogël ishte një punim i stilistit, Valdrin Sahiti.
Ai ka ndarë foto të Hilton në llogarinë e tij në Instagram, krenar që emri i tij ishte ndër emrat e stilistëve më të famshëm që kishin veshur mbrëmjen e së dielës (22 nëntor) personazhet.
Me fustanin e argjendtë dhe me dekoltenë e hapur në formë V-je, Hilton pozoi në tapetin e kuq, këtë herë e veshur nga një shqiptar.
Kjo nuk është hera e parë që Valdrini vesh një personazh të përmasave ndërkombëtare. Fama e tij tashmë ka kaluar trojet shqiptare, mjafton të kujtojmë se ai ka veshur Bebe Rexhën, Yvonne Ojri, Chloe dhe Halle, Cardi B dhe Kelly Rowland.
